Дьокуускайга Сэбиэскэй Сойуус Дьоруойа Федор Поповка пааматынньык туруоруохтара

Аҕа дойду Улуу сэриитигэр Кыайыы 80 сылыгар Дьокуускайга Федор Кузьмич Попов искибиэрин тупсарыахтара уонна пааматынньык туруоруохтара.

Итинник сорудаҕы Саха сирин Ил Дархана Айсен Николаев биэрдэ.

«Кэлэр сылга Кыайыы 80 сылын бэлиэтиэхпит. Саха норуотуттан Сэбиэскэй Сойуус бастакы Дьоруойа Федор Кузьмич Попов аатын үйэтитэн пааматынньык туруоруохпут уонна сискибиэри тупсарыахпыт«, — диэтэ Айсен Николаев.

Саха сирин баһылыга Бырабыыталыстыбаҕа өрөспүүбүлүкэ бүддьүөтүн үбүнэн туруорарга дьаһайда.
Былырыын Мэҥэ Хаҥалас уопсастыбаннаһын көҕүлээһинин өрөспүүбүлүкэ 9000 олохтооҕо өйөөбүтэ уонна федеральнай бырагырааманан тутуллар.

Искибиэр Дзержинскэй уонна Федор Попов уулуссаларын быһа охсуһууларыгар оҥоһуллуо.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Хаартыскаҕа Андрей Сорокин түһэриитэ