Дьокуускайга “Сэдэх экспонаттар” быыстапкаҕа 18 тыһыынча кэриҥэ киһи сырытта
![](https://sakha-sire.ru/wp-content/uploads/2024/06/skrinshot-18-06-2024-184539-900x596.jpg)
Емельян Ярославскай аатынан түмэлгэ кулун тутар 20 күнүттэн бэс ыйын 10 күнүгэр диэри “Сэдэх экспонаттар” быыстапка үлэлээтэ, онно өрөспүүбүлүкэ 20 түмэлэ саамай сэдэх, историческай өттүнэн дириҥ суолталаах экспонаттарын туруордулар. СИА-ҕа түмэл быыстапкалыыр секторын сэбиэдиссэйэ Марианна Стручкова иһитиннэрбитинэн, бу кэм устата манна 18 тыһыынча кэриҥэ киһи сылдьыбыт.
“Быыстапканы 17993 киһи көрдө, бу оскуолаҕа киирэ илик оҕолор, оскуола үөрэнээччилэрэ, устудьуоннар, улахан дьон уонна тас дойдулартан кэлбит ыалдьыттар. Үөрэнээччилэргэ уонна оҕо лааҕырдарын иитиллээччилэригэр үгүс экскурсиялары оҥордубут. Ону тэҥэ Түмэл норуоттар икки ардыларынааҕы күнүгэр анаммыт нэдиэлэ буолан ааспыта. Онно биир күн устата быыстапкаҕа икки тыһыынчаттан тахса киһи кэлбитэ. Экспозиция ыам ыйын 20 күнүгэр диэри үлэлиэхтээх этэ, ону дьон көрдөһүүтүнэн бэс ыйын 10 күнүгэр диэри уһаппыппыт”, — диэн Марианна Стручкова санаатын үллэһиннэ.
![](https://sakha-sire.ru/wp-content/uploads/2024/06/skrinshot-18-06-2024-184620.jpg)
![](https://sakha-sire.ru/wp-content/uploads/2024/06/skrinshot-18-06-2024-184551.jpg)
![](https://sakha-sire.ru/wp-content/uploads/2024/06/skrinshot-18-06-2024-184602.jpg)
![](https://sakha-sire.ru/wp-content/uploads/2024/06/skrinshot-18-06-2024-184610.jpg)
Быыстапка тустаах мусуой уонна өрөспүүбүлүкэтээҕи “Саха сирэ” хаһыат холбоһуктаах бырайыактарынан буолар. Сыл устата хаһыакка араас түмэллэртэн саамай сэдэх экспонаттар тустарынан ыстатыйалар бэчээттэммиттэр. Бырайыагы дьон сэҥээрбитэ, ол иһин быыстапканы Емельян Ярославскай аатынан мусуойга туруорарга былааннаммыта.
Айаал Аргунов (СИА)
Сообщить об опечатке
Текст, который будет отправлен нашим редакторам: