Дьокуускайга Сибээс кэллиэһигэр миинэ ииппиттэрин туһунан иһитиннэрбиттэр

Бүгүн, ахсынньы 9 күнүгэр, сарсыарда Дьокуускайдааҕы сибээс уонна информационнай технологиялар кэллиэһигэр миинэ ииппиттэрин туһунан иһитиннэрбиттэр. Тустаах уорганнар үөрэх тэрилтэтин дьиэтин иһин барытын бэрэбиэркэлээбиттэр диэн СИА суруйар.

Кэллиэс иһитиннэрбитинэн, полицияҕа маннык төлөпүөннээһин номнуо бэсиһин киирэр эбит. Структуралар түргэнник кэлэ охсон, эбийиэги бэрэбиэркэлээбиттэр. Иһитиннэрии сымыйа эбит.

Маннык курдук сымыйа иһитиннэриилэр иһин холуобунай дьыала тэриллэр. Буруйдаах киһи 500 тыһ.солк. тиийэ ыстарааптаныан, үс сылга диэри көҥүлэ быһыллыан эбэтэр үс сыл күһэлэҥ үлэҕэ ананыан сөп.