Дьокуускайга сибэкки маҕаһыынын халаатылар

Ахсынньы биир киэһэтигэр ИДьМ Дьокуускайдааҕы дьуһуурунай чааһыгар сибэкки маҕаһыынын атыыһыта үҥсүү түһэрбит.

Дьокуускайга Дзержинскэй аатынан уулуссаҕа баар сибэкки маҕаһыыныгар холуочук эр киһи киирбит. Кини атыыһыт дьахтары куттаан туран харчы көрдөөбүт.

Онуоха атыыһыт дьахтар куттанан 1000 тыһыынча солкуобайы биэрбит. Харчыны ылаат, эр киһи таһырдьаны былдьаспыт. Оттон дьахтар полицияҕа тута эрийбит.

Суһал көрдөөһүн түмүгүнэн, суола сойо илигинэ Федор Попов аатынан уулуссаҕа 38 саастаах уорбаланааччыны туппуттар. Арассыыйа Федерациятын холуобунай кодексатын 161 ыстатыйа 2 чааһынан «Халааһын» холуобунай дьыала тэриллибит.