Хаартыска: sakhagov.ru
Балаҕан ыйын 18-21 күннэригэр Дьокуускайга Преображенскай собуорга Сибэтиэй Боҕоруодьусса курун сорҕото аҕалыллан, дьоҥҥо көрдөрүүгэ туруоҕа. Сибэтиэй малы Санкт-Петербург куорат Казанскай кафедральнай собуоруттан, Москва уонна бүтүн Русь Сибэтиэй Патриарха Кирилл алгыһынан уонна Нуучча Православнай таҥара дьиэтин ыччат дьыалатыгар Синодальнай отделын кыттыытынан, аҕаллылар.
Православнай итэҕэллээх дьону Ил Дархан Айсен Николаев бу бэлиэ түгэнинэн эҕэрдэлээтэ.
— Бүгүн православнай итэҕэллээхтэргэ улахан бырааһынньык. Бу бэлиэ түгэн Дьокуускайдааҕы епархия 155 сылыгар сөп түбэспитэ кэрэхсэбиллээх. Мин Афонаҕа сылдьыбытым уонна сибэтиэй сир тыынын дьиҥ чахчы билбитим. Мөлүйүөнүнэн дьон үйэлэр тухары сүгүрүйэр, үҥэр-сүктэр сибэтиэй маллара итэҕэл күүһүн, ийэ тапталын туоһутун иҥэринэ сылдьар. Онон бу сибэтиэй мал биһиги дойдубутугар кэлбитэ — норуот бииргэ түмсэригэр көмөлөһөр духуобунай күүс буолар. Бу бэлиэ түгэн үтүө санаа, таптал, итэҕэл бэлиэтэ буолан, үйэлээх сыаннастарга ытыктабылы күүһүртүн, хас биирдии дьиэ кэргэҥҥэ эйэни, этэҥҥэ буолууну аҕаллын, — диэн кини эттэ.
Сибэтиэй Боҕоруодьуссаҕа мэлиэбэни Дьокуускай, Ленскэй архиеписков Роман ыытта. Салгыы икки чаас буола-буола мэлиэбэннэр ыытыллыахтара.
Балаҕан ыйын 19-20 күннэригэр сарсыарда 9 чаастан Сибэтиэй Боҕоруодьусса курун иннигэр литургиялар буолуохтара. Оттон балаҕан ыйын 21 күнүгэр сарсыарда 8 чаастан саха тылынан, 10 чаастан былыргы славянскай тылынан литургиялар ыытыллыахтара.
Сибэтиэй Боҕоруодьусса кура — Иисус Христос ийэтин олоҕун кытта ситимнээх сибэтиэй мал. Үһүйээн быһыытынан, Мария бэйэтэ тэбиэн түүтүттэн өрбүт уонна кэтэ сылдьыбыт үһү. Бу сибэтиэй малы кини нэһилиэнньиктэрэ көлүөнэттэн көлүөнэҕэ биэрэн испиттэр. 4-с үйэттэн ыла Константинопольга Влахернскай храмҥа хараллыбыт. 10-с үйэҕэ кур араас дьиктилэри оҥороро дакаастанан, хас да чааска араарыллыбыт. Биир чааһа Афонаҕа, Ватопедскай манастыырга харалла сытар. Ол онтон бу куру Арассыыйаҕа 2011 сыллаахха аҕалбыттара. Сибэтиэй мал 11 куоракка сырытта, үс мөлүйүөнтэн тахса киһи кэлэн, сүгүрүйдэ, үҥтэ-сүктэ.
Казанскай кафедральнай собуор 200 сылынан, кур сорҕото Санкт-Петербург куоракка үйэ-саа тухары хараллыыга бэриллибитэ.
Сиһилии: https://www.sakha.gov.ru/news/12015
Гипергидроз (күүстээх көлөһүн тахсыыта) кыһалҕата ыарыылаах киһиэхэ эрэ буолбакка, кини тулалыыр дьонугар эмиэ дьайар. Ол…
Хаҥалас улууһун баһылыга Сергей Гребнев иһитиннэрбитинэн, Арассыыйа Дьоруойа Петр Киприянов аҕата Александр Петрович Киприянов «Саллаат…
2024 сыл бүтүүтүгэр, ахсынньыга, Дьокуускайга Марха улууһа төрүттэммитэ 200 сылыгар анаммыт Ньурба улууһун күннэрэ буолан…
Бу сыл сэтинньи 5 күнүттэн сэтинньи 10 күнүгэр диэри Дьокуускай куоракка 1-12 кылаас үөрэнээччилэрэ уонна…
Владивосток куоракка ыытыллыбыт III Уһук Илиннээҕи хор олимпиадаҕа Саха сириттэн «Надежда Туймаады» хор уонна «Северные…
Дьокуускай куорат баһылыга Евгений Григорьев Норуот сомоҕолоһуутун күнүгэр «Сааҕын байыаннай дьайыыга туттар» аахсыйанан байыаннай дьайыы…