Хаартыска «Сахатранснефтегаз» АУо гендириэктэрин телеграмм ханаалыттан
2021 сылтан Арассыыйа Бэрэсидьиэнэ Владимир Путин көҕүлээһининэн уонна «Биир ньыгыл Арассыыйа» баартыйа норуодунай бырагырааматынан саҕаламмыт социальнай гаастааһын чэрчитинэн, Дьокуускай куоракка уопсайа 4157 дьиэ гааска холбонно. Бу туһунан «Сахатранснефтегаз» АУо генеральнай дириэктэрэ Алексей Колодезников иһитиннэрэр.
Сыл аайы гааска холбонуу тэтимэ күүһүрэн иһэр. Бу – куорат олохтоохторугар табыгастаах усулуобуйаны оҥорууга сыһыаннаах бары тэрилтэлэр биир сомоҕо буолан үлэлииллэрин түмүгэ. Ол курдук, 2021 сылга – 10 дьиэ, 2022 сылга – 989 дьиэ, 2023 сылга – 1011 дьиэ, 2024 сылга – 1033 дьиэ, 2025 сылга – 1114 дьиэ гаас ситимигэр холбонно.
Саха сирин Баһылыга Айсен Николаев сорудаҕынан гаастааһыҥҥа кэлимсэ ньыма тутуһуллар. Кини көҕүлээһининэн өрөспүүбүлүкэ бүддьүөтүттэн ситимнэргэ гаас тиийбэт буолуутун туоратыыга харчы көрүллүбүтэ. Ол түмүгэр «Сахатранснефтегаз» 2022 сылтан гаас эргэ ситимнэрин саҥардыыга уонна саҥа ситимнэри тутууга улахан үлэни ыытар.
Ону кытта, өрөспүүбүлүкэ Бырабыыталыстыбата сорох дьоҥҥо гаас тэриллэрин ыларга уонна бырайыактарын оҥотторорго көмө харчынан (субсидиянан) өйөбүлү оҥорор.
2026 сылга Дьокуускай куорат үрдүнэн 900-тэн итэҕэһэ суох дьиэни гааска холбуур улахан сорук турар.
Бу тэрээһиҥҥэ араас тэрилтэлэр салайааччылара, исписэлиистэрэ уонна анал байыаннай дьайыы кыттыылаахтарын дьиэ кэргэттэрин кыһалҕаларын кытта…
Оскуола саастаах оҕо улахан киһи курдук күҥҥэ үстэ аһыырынан муҥурдаммат. Кини оскуолаҕа сылдьан остолобуойга, чугастыы…
Үөрэҕи уонна билими кэтээн көрөр федеральнай сулууспа иһитиннэрэринэн, оскуоланы бүтэрээччилэр олунньу 1 күнүгэр диэри биир…
Дьокуускайдааҕы полиция 4-с нүөмэрдээх отделын дьуһуурунай чааһыгар биир олохтоох дьахтартан төлөпүөнүн уордарбытын туһунан сайабылыанньа киирбит.…
Саха Өрөспүүбүлүкэтигэр 2026 сыл Култуура сылынан биллэриллибитэ. Бүгүн, тохсунньу 16 күнүгэр, Б.Ойуунускай аатынан Саха тыйаатырыгар…
Эргэ массыынаҕытын дилергэ туттаран, саҥаны ыларгытыгар чэпчэтиини туһаныаххытын сөп. Трейд-ин диэн тугуй уонна ону хайдах…