Хаартыска: SakhaGov
Дьокуускайга СӨ Үлэҕэ уонна социальнай сайдыыга министиэристибэтин Өрөспүүбүлүкэтээҕи сэминээр-сүбэ мунньаҕа саҕаланна. Тэрээһиҥҥэ социальнай үлэһиттэр кыттыыны ылаллар.
Кинилэр үлэ уопутун атастаһыахтара, салаа сайдыытыгар этиилэрин киллэриэхтэрэ. Бу үлэ сүрүн сыалынан эрэгийиэҥҥэ бары хайысхалары хабар, туһанарга табыгастаах уонна көдьүүстээх социальнай сулууспа тиһигин тэрийии буолар. Өрөспүүбүлүкэҕэ бу үлэ дойду Бэрэсидьиэнэ Владимир Путин көҕүлээбит «Дьиэ кэргэн» национальнай бырайыагын сыалларын уонна соруктарын толоруу чэрчитинэн ыытыллар.
Сэминээр-сүбэ мунньах бастакы күнэ Доруобуйаларынан хааччахтаах оҕолорго уонна ыччаттарга аналлаах өрөспүүбүлүкэтээҕи реабилитационнай киининэн билиһиннэрэр экскурсияттан саҕаланна. Министиэристибэ сыһыарыллыбыт тэрилтэлэрин салайааччылара реабилитационнай киин үлэтин сиһилии билистилэр.
2019 сыллаахха Дьокуускайга Доруобуйаларынан хааччахтаах оҕолорго уонна ыччаттарга аналлаах өрөспүүбүлүкэтээҕи реабилитационнай киин иһинэн Эрдэтинэ көмөлөһүү сомоҕо ресурснай киинэ тэриллибитэ. 2025 сыллаахха 3 саастарыгар диэри 4 350 оҕо эрдэттэн көмө өҥөтүнэн туһанна.
Экскурсия кэмигэр кииҥҥэ оҕону чөлүгэр түһэрэргэ уонна сайыннарарга туттуллар аныгы тэрилгэ уонна ньымаларга ураты болҕомто уурулунна. Салайааччылар эмтиир физкултуура, сенсорнай интеграция, логопедия, психология хосторугар уонна атын анал зоналарга сырыттылар.
Киин дириэктэрин эбээһинэһин толорооччу Анна Пудова тэрил кыахтарын көрдөрдө, хас биирдии оҕоҕо кини ирдэбиллэрин уонна уратыларын учуоттаан оҥоһуллар реабилитация тус бырагыраамаларын туһунан кэпсээтэ.
Бүгүҥҥү күҥҥэ өрөспүүбүлүкэ сиригэр-уотугар 7 реабилитационнай киин, ол иһигэр 4 оҕоҕо аналлаах, үлэлиир. Онно сыл аайы 9 тыһыынчаттан тахса инбэлиит уонна инбэлиит оҕо комплекснай реабилитацияны ааһар. 2025 сылга реабилитациянан 3673 киһи хабылынна, ол иһигэр инбэлииттэр – 2639 киһи, оҕолор – 5861, ол иһигэр инбэлиит оҕолор – 4226.
Билиһиннэрэр экскурсия кэнниттэн «Инбэлииттэри комплекснай реабилитациялааһын уонна абилитациялааһын, эрдэттэн көмө» диэн тиэмэҕэ дьүүллэһии буолла. Үлэ саҥа ньымаларын туһунан миниистир бастакы солбуйааччыта Альбина Трубина кэпсээтэ.
Сэминээр бастакы күнүгэр «Тэрилтэ үбүн-харчытын хаһаайыстыбаннай үлэтигэр үп-харчы сириэстибэлэрин туһаныы көдьүүһүн үрдэтии» диэн практикум уонна «Салайар технологиялар төрүттэрэ» диэн интенсив ыытылыннылар.
Сарсын, тохсунньу 27 күнүгэр, СӨ Үлэҕэ уонна социальнай сайдыыга министиэристибэтин «Министиэристибэ 2025 сыллааҕы үлэтин түмүктэрин уонна 2026 сылга бастакы уочараттаах соруктар тустарынан» кэҥэтиллибит коллегията буолуоҕа. Ону таһынан сэминээр-сүбэ мунньах чэрчитинэн Саха сиригэр социальнай сулууспа сайдыытын кэскилин ырытыахтара. «ИИ: идэлэр трансформациялара» диэн интенсив ыытыллыаҕа.
Арассыыйа эрэгийиэннэринэн аккордеоннаах бэлисипиэтинэн айанньыт Клим Калужских Дьааҥы куоратыгар тиийбит. Бу туһунан ТАСС-ка айанньыт иһитиннэрдэ.…
Ахсынньы 28 күнүгэр олохтоох бириэмэнэн киэһэ 22:18 чааска «Восточнай» судаарыстыбаннай космодромтан «Союз-2.1б» аракыатаны көтүтүү былааннанар.…
Былырыын 5 тыһыынчаттан тахса киһи өрөспүүбүлүкэ килииникэлэригэр уустук эмтэниини ааспыт. “Национальнай бырайыактар көмөлөрүнэн тутуллубут уонна…
Индия Калькутта куоратын чугаһыгар эмтэммэт Нипах вируһа тарҕаммыта бэлиэтэннэ. Билигин биэс киһи ыалдьыбыт, сүүсчэкэ киһи…
Кыбартыыраҕа счетчик суох буоллаҕына тымныы ууга төлөбүр кээмэйэ икки бүк улаатыаҕа. Бу туһунан дойду бырабыыталыстыбатын…
Үлэҕэ хойутааһын эбэтэр кэлбэт буолуу, кутталлаах быһыы-майгы (силлиэ, буурҕа, хаар хаайыыта) туһунан ЫБММ, метеорологтар эбэтэр…