Дьокуускайга соҕотоҕун сылдьар оҕону буллулар

Бүгүн, ыам ыйын 3 күнүгэр, Дьокуускай куорат олохтооҕо Красильников уулуссатыгар таҥаһа суох соҕотоҕун сылдьар кыра оҕону көрөн полицияҕа тыллаабыт.

Бу тахсыбыт түбэлтэнэн бэрэбиэркэ саҕаланна.

«Көрүүтэ-истиитэ, таҥаһа суох, соҕотоҕун сылдьар оҕону сарсыарда уон чааска полиция бастакы нүөмэрдээх отделыгар аҕалбыттар. Оҕо 3-4 эрэ саастаах буолуон сөп. Дьонноро кимнээх буолаллара биллибит. Оҕо тоҕо соҕотох сылдьыбыта чуолкайданар», — диэн ИДьМ пресс-сулууспата иһитиннэрдэ.

Оҕону социальнай тэрилтэҕэ илдьибиттэр.