Дьокуускайга сокуоннай сааһын ситэ илик оҕо таҥаһы уорууга уорбаланар

ИДьМ Дьокуускайдааҕы 2-с нүөмэрдээх полиция салаатын дьуһуурунай чааһыгар, маҕаһыынтан биллибэт эдэр киһи аһаҕастык табаар уоран тахсыбытын туһунан иһитиннэрии киирбит. Хоромньуну 7500 солк. кэриҥэ сыаналаабыттар.

Суһал-көрдүүр үлэ түмүгэр, уорбаланар киһини быһаарбыттар. Бу 17 саастаах эдэр киһи эбит.

Куһаҕаны оҥорорго соруммут киһи атыылаһааччы быһыытынан маҕаһыыҥҥа киирбитэ быһаарыллыбыт. Куурканы, джинсыны уонна куоптаны ылан баран кэтэн көрөр хоско ааспыт. Онно тиийэн табаардартан уорууну утары үлэлиир датчиктарын устубут уонна таҥаһы бакыакка укпут. Итиэннэ таҥас кэтэн көрөр хостон түргэнник тахсан, таһырдьа тахсар сир диэки барбыт. Маҕаһыын үлэһиттэрэ ону бэлиэтии көрөн тохтото сатаабыттар да, куотан хаалбыт. Уол этэринэн, таҥаһы бэйэтигэр хаалларар санаалаах эбит.

РФ Холуобунай кодексын 161 ыст. 1 ч. (“Уоруу”) холуобунай дьыала тэриллибит. Тустаах ыстатыйанан буруйданааччылар 4 сылга диэри көҥүллэрэ быһыллыан сөп. Бу туһунан ИДьМ Дьокуускайдааҕы полиция пресс-сулууспата иһитиннэрэр.