Дьокуускайга сокуоннай саастарын ситэ илик оҕолорго арыгы атыыламмыта билиннэ

Дьокуускайга полицейскайдар профилактическай рейдэ кэмигэр арыгы бородууксуйатын атыытын сокуонугар кэһии тахсыбытын буллулулар.

Ол курдук, полиция үлэһиттэрэ СӨ Урбааҥҥа, атыыга-эргиэҥҥэ уонна туризмҥа министиэристибэтин исписэлиистэрин кытары Гоголь уонна Лермонтов аатынан уулуссаларыгар турар арыгы маҕаһыыннарыгар сокуоннай сааһын ситэ илик оҕолорго арыгыны атыылааһынын икки чахчытын арыйбыттар. Бу маҕаһыыннарга саастарын ситэ илик 17 саастаах оҕолорго арыгы атыылаабыттар.

Ону тэҥэ түүҥҥү өттүгэр арыгыны атыылааһын икки түбэлтэтэ Каландрашвили уонна Можайскай аатынан уулуссаларга турар маҕаһыыннарга булуллубут. Маҕаһыын атыыһыттара киэһэ 20:00 чаас кэннэ арыгы атыылаабыттар. Миэстэтигэр полицейскайдар барыта 81.3 лиитирэ арыгыны былдьаабыттар.