Дьокуускайга сокуоннай саастарын туола илик оҕолор холуобунай дьыалаларын силиэстийэлээһин түмүктэннэ

Дьокуускай куорат силиэстийэлиир салаата РФ Холуобунай кодексын 166 ыст. 2 ч. “а” п. (барыллаан киксэн баран бөлөҕүнэн уоруу (угон) уонна 158 ыст. 2 ч. “а”, “в” п. (дьоҥҥо биллэр хоромньуну таһаарыылаах барыллаан киксэн баран бөлөҕүнэн уоруу) барыта 15 түбэлтэ буруйу оҥорон, 7 сокуоннай саастарын ситэ илик дьоҥҥо холуобунай дьыаланы силиэстийэлээһини түмүктээтэ.

Силиэстийэ быһаарбытынан, буруйданааччылар хас да ый устата массыынаны, матасыыкылы, ону тэҥэ, массыынаҕа уонна атын сиргэ хараллан сытар тус малы-салы  уорбуттар. Уоруллубут малы ломбардка туттаран бэйэлэрэ көрүүлэринэн туһаммыттар.

Буруйу оҥорууну 2025 сыл олунньутугар СӨ ИДьМ үлэһиттэрэ суһал тэрээһини ыыта сылдьан тохтоппуттар.

Силиэстийэ дакаастыыр матырыйаалы хомуйарга уонна бигэргэтэргэ кэккэ силиэстийэлиир үлэни ыыппыт. Дьокуускай куорат борокуруорун солбуйааччы бигэргэтиитинэн буруйдааһыҥҥа түмүктээх  холуобунай дьыаланы суут көрүүтүгэр ыыппыттар. Бу туһунан РФ Саха сиринээҕи силиэстийэлиир кэмитиэтин силиэстийэлиир управлениетын саайтыгар суруйаллар.