Киин куоракка сокуоннайа суох арыгыны атыылаабыт дьону туттулар

Сэрэтэр дьаһаллар чэрчилэринэн полицейскайдар арыгылаах бородууксуйаны сокуону кэһэн атыылааһын биэс түбэлтэтин быһаардылар. Ол курдук, Петр Алексеев уулуссаҕа 2 №-дээх полиция отделын учаастактааҕы боломуочунайдара массыынаттан арыгынан эргинэр 36 саастаах эр киһини туттулар. Массыынаны көрүү кэмигэр булуллубут испиирдээх бородууксуйа миэстэтигэр былдьанна.

Заводская уулуссаҕа баар ас-үөл маҕаһыыныгар учаастактааҕы боломуочунайдар арыгылаах бородууксуйаны атыылааһын быраабылатын кэһиини быһаардылар. Оттон 1 №-дээх полиция иниспиэктэрдэрэ Петровскай уулуссаҕа баарга сааһын ситэ илик оҕоҕо арыгы атыыламмыт чахчытын бэлиэтээтилэр, уонна Чайковскай уулуссаҕа баар маҕаһыыҥҥа арыгыны  сокуону кэһэн атыылааһын түбэлтэтин быһаардылар. Бу чахчыларынан процессуальнай бэрэбиэркэ ыытыллар. Сокуону кэспит дьоҥҥо РФ Административнай кодексатын (КоАП РФ) 14.17.1 ыстатыйатын 1-кы чааһынан уонна 14.16 ыстатыйатын 2.1-гы чааһынан административнай боротокуоллар оҥоһулуннулар, диэн ИДьМ пресс-сулууспата суруйар.