Дьокуускайга сокуону кэһэн туран арыгы атыылаабыттар

Дьокуускайга сокуону кэһэн туран арыгы атыылааһынын сэттэ түгэнэ бэлиэтэннэ. Ол курдук, 216 л иитэрэ аһыы утах былдьанна.

ИДьМ Дьокуускайдааҕы управление үлэһиттэрэ рейдэ кэмигэр Богдан Чижик, Птицефабрика оройуоннарыгар баар маҕаһыыннарга арыгы атыыланар бириэмэтэ ааспытын кэннэ атыылыы туралларыгар түбэспиттэр. Маны таһынан Тимирязев уонна Сэбиэскэй Аармыйа 50 сыла  уулуссаларга аһыы утаҕы атыылааһыҥҥа эмиэ кэһиилэр бааллара биллибит. ПДН иниспиэктэрдэрэ Богдан Чижик уонна Можайскай уулуссаҕа баар маҕаһыыннар сокуоннай саастарын ситэ илик оҕолорго арыгы атыылаабыттарын туппуттар. Октябрьскай уулуссаҕа бутлегер тутуллубут. Эр киһи массыынатын иһиттэн арыгы атыылыы олорбут. Сокуону кэһэн туран арыгыны атыылыылларын бохсор рейдэлэр салҕаналлар.