Дьокуускайга спортивнай ориентированиеҕа күрэхтэстилэр

Муус устар 1-2 күннэригэр «Табаҕа тумуһа» бааза территориятыгар хайыһарынан спортивнай ориентированиеҕа өрөспүүбүлкэтээҕи күрэх буолан ааста. Ол туһунан Физическэй култуура уонна маассабай успуорт управлениетын пресс-сулууспата иһитиннэрэр.

Күрэхтэһиигэ барыта 9 хамаанда, 138 спортсмен Дьокуускай куораттан 1-2-3, Амматтан, Мэҥэ Хаҥаластан, Намтан, Горнайтан, «SuolАзия» хамаандата уонна Дьокуускай куорат 17 №-дээх оскуолатын хамаандата кытыннылар.
Спортсменнарга икки дистанцияны – маркированнай трассаны уонна туһааннаах хайысханы туоруур сорук турбута.
Икки күннээх күрэхтэһии түмүгэр уопсай хамаанданан ааҕыыга кыайыыны Дьокуускай куорат бастакы хамаандата систистэ. Иккискэ Дьокуускай куорат иккис хамаандата, оттон үһүскэ – Амма улууһун хамаандата ылла.