sakha.gov.ru
Ил Дархан Айсен Николаев «Быһа биэриигэ» чугастааҕы күннэргэ Дьокуускайга «Спортивнай» түөлбэҕэ элбэх хайысхалаах успуорт комплекса аһыллаары турарын туһунан эттэ.
—17 кыбартаал сиригэр-уотугар — дьиҥэр, куорат үс түөлбэтэ киирэр. Ону бырайыактааһыҥҥа уонна олоххо киллэриигэ тиһиктээх үлэ ыытыллыбыта. Ол эбэтэр, маҥнай биһиги социальнай инфраструктуратын былааннаабыппыт уонна тутууну урутаан саҕалаабыппыт. Бүгүн манна олорор дьиэлэр саҥа тутуллар буоллахтарына, уһуйаан номнуо баар. Бу нэдиэлэҕэ олус кыраһыабай, тупсаҕай көстүүлээх элбэх хайысхалаах успуорт саалата — сыалай комплекс үлэҕэ киириэҕэ. Ити курдук салгыы бу улахан микрооройуоҥҥа өссө да атын социальнай эбийиэктэр тутуллуохтара. Дьоҥҥо-сэргэҕэ бастатан туран, оскуолалар, уһуйааннар, сынньалаҥ сирдэрэ, успуорт эбийиэктэрэ наадалар. Биллэн турар, бу түөлбэҕэ элбэх олорор дьиэ тутуллуо, — диэн бэлиэтиир Ил Дархан.
Ил Дархан «Звезднай», «Спортивнай» микрооройуоннар хаарбах туруктаах олорор дьиэни суох оҥорорго, аныгы инфраструктураны тэрийэргэ уонна Дьокуускай туруктаахтык сайдарыгар кыаҕы биэрэллэринэн өйөбүлү ылыахтаахтарын этэр.
Элбэх хайысханы толорор успуорт комплексыгар административнай куорпус, успуорт араас көрүҥүнэн дьарыктаналларыгар анаан дьоҕус уонна улахан саалалар баар буолуохтара. Уопсайа 2,5 тыһ.кв.м. иэннээх эбийиэккэ успуорт саалата, скалодром, уо.д.а. былааннанан тураллар. Маны таһынан воркаут-зона, спортивнай тренажердар көрүллэллэр. Онондьон-сэргэ дьиэ иһигэр эрэ буолбакка, таһырдьа сибиэһэй салгыҥҥа успуордунан дьарыктанар кыахтаныахтара.
Бу иннинэ, сэтинньигэ, «Спортивнай» түөлбэҕэ «Улыбка» 435 №-дээх уһуйаан филиала аһыллыбыта. Бу Дьокуускай куорат маастар-былаанын иитинэн тутуллубута. Уһуйаан 240 миэстэлээх. Манна физкултуура саалата, муусука саалата, успуорт былаһаакката, уо.д.а. бааллар. Тэрилтэҕэ оскуолаҕа киириэн иннинээҕи саастаах оҕолорго 12 бөлөх үлэлиир.
Сиһилии: https://www.sakha.gov.ru/news/17174
СӨ Ил Дарханын уонна Бырабыыталыстыбатын пресс-сулууспата
Билиҥҥи кэм биир уһулуччулаах режиссера, СӨ ускуустубатын үтүөлээх диэйэтэлэ, тыйаатыр уонна киинэ режиссера, Арассыыйа Тыйаатырдарын…
Ыччат дьыалаларыгар Федеральнай ааҕыныстыба салайааччыта Григорий Гуров Дьокуускайга "Патриот" элбэх өҥөнү оҥорор ыччат киинин аһыллыытынан…
Бүгүн, ахсынньы 15 күнүгэр, Дьокуускай куорат 202 микрооройуонугар "Патриот" ыччат киинэ аһылынна. Үөрүүлээх бэлиэ түгэҥҥэ…
Ханнык баҕарар киһи сырдыкка, үтүөҕэ тардыһар. Олоҕор туох эмит үчүгэй буолуон баҕарар. Ол эрээри үгүстэр…
Бүгүн үөрэх эйгэтигэр улахан үөрүүлээх, бэлиэ түгэн үүннэ - Арктикатааҕы култуура уонна ускуустуба судаарыстыбаннай института…
2025 сыл ахсынньы 13 күнүгэр 13 чаас 30 мүнүүтэ ааһыыта Арассыыйа ИДьМ Мэҥэ Хаҥалас улууһунааҕы…