Дьокуускайга субуотаҕа -23 кыраадыс буолуоҕа

Дьокуускайга, итиэннэ үгүс оройуоннарга туман ааһан, сыыйа сылыйан иһэр. Саха сиринээҕи УГМС өрөбүллэргэ хайдах күн-дьыл буоларын иһитиннэрэр.

Субуотаҕа өрөспүүбүлүкэ киин куоратыгар кыраадыс -23…-25 буолуоҕа, түүнүн -31…-33°.

Киин оройуоннарга түүннэри -30…-35, оттон күнүс -23…-28 диэн сабаҕалыыллар. Өрөспүүбүлүкэ хотугулуу-илиҥҥи өттүгэр түүн тымныйыаҕа — -43…-48, оттон күнүс -38…-43. Соҕуруу уонна соҕуруулуу-арҕаа улуустарга күнүһүн -17….-22 буолара күүтүллэр.

Олунньу 3 күнүгэр Халыма-Индигиир улуустарыгар 15-23 кыраадыһынан эмискэ тымныйыаҕа дииллэр.

Өрөбүлгэ сорох сирдэринэн хаардыаҕа. Хотугулуу-арҕаа баҕар сөкүүндэҕэ 9-14 миэтэрэ түргэннээх тыал түһүөҕэ.