Дьокуускайга судаарыстыбаннай диэйэтэл Степан Аржаков пааматынньыгар сибэкки дьөрбөтүн уурдулар

Бүгүн, балаҕан ыйын 27 күнүгэр, Дьокуускайга биллэр судаарыстыбаннай диэйэтэл Степан Аржаков пааматынньыгар сибэкки дьөрбөтүн уурдулар. Тэрээһин Саха Өрөспүүбүлүкэтин Судаарыстыбаннаһын күнүгэр анаан ыытылынна диэн ЯСИА иһитиннэрэр.

Сибэкки дьөрбөтүн уурууга Бырабыыталыстыба чилиэннэрэ, норуот дьокутааттара, Ил Дархан уонна Бырабыыталыстыба дьаһалтатын, министиэристибэлэр, биэдэмистибэлэр бэрэстэбиитэллэрэ кытыннылар. Итиэннэ байыаннай дьайыы кыттыылаахтара, Уопсастыбаннай палаата, куорат дьаһалтатын бэрэстэбиитэллэрэ, Дьокуускайдааҕы Дуума дьокутааттара, Бүлүү улууһун дэлэгээссийэтэ, уопсастыбаннас бааллар.