Дьокуускайга суол дьаамаларын өрөмүөнүн «Азия оҕолоро» оонньууларга диэри бүтэриэхтэрэ

Дьокуускай сиригэр-уотугар суол дьаамаларын өрөмүөннүүр үлэ ыытыллар. Бүгүҥҥү күҥҥэ  куорат хаһаайыстыбатын лииньийэтинэн 20 тыһыынча кв.м. уонна куорат управаларын 5 тыһыынча кв.м. өрөмүөннүүргэ хантараактар түһэрсиллибиттэр.

«Үлэ сүрүн өттө «Азия оҕолоро» оонньуулар саҕаланыахтарын иннинэ, бэс ыйын 25 күнүгэр диэри бүтүөхтээх. Тоҕус биригээдэ үлэлии сылдьар. ааспыт сыллары кытта тэҥнээтэххэ үлэ тэтимнээхтик баран иһэр», — диэн Дьокуускай баһылыга Евгений Григорьев «Россия 24» ханаал эпииригэр кэпсээбитэ.

Суол оҥорооччулар дьаамалары оҥороллору таһынан аспаал бүрүөһүнүн чөлүгэр түһэрэллэр.