Дьокуускайга суол кытыыта, тротуар алдьанна

Бүгүн Дьокуускай куоракка күүстээх ардах   түһэн, үгүс уулуссалар ууга уһуннулар.

Суорун Омоллоон уулуссаҕа суол кытыыта уонна тротуар сиҥнэн түспүтүн туһунан куорат дьаһалтата иһитиннэрдэ.

Бу учаастакка Хабаров уулуссатын хапытаалынай өрөмүөннээһин иитинэн, эрдэ гаас ситимин таһаарыыга үлэлэр ыытыллыбыттара.

Билигин миэстэтигэр куорат баһылыгын солбуйааччы  Антон Алексеенко   тиийдэ

-Бэдэрээтчит суол эниэтин бөҕөргөтүүгэ үлэлиир.  Балаһыанньаны салгыы хонтуруолга тутуохпут,  — диэн Антон Алексеенко   иһитиннэрдэ.

Билигин алдьаммыт учаастакка анал  техника, суол үлэһиттэрэ үлэлииллэр.