Дьокуускайга суол саахала таҕыста

Киин куоракка суол быраабылатын кэһии түмүгэр 50 саастаах суоппар араас эчэйиилэри ылла.

Күнүс бэс ыйын 3 күнүгэр Дьокуускайга Очиченко уонна Кржижановскай ааттарынан уулуссалар быһа охсуһуутугар «УАЗ 3909» массыына 33 саастаах суоппара 50 саастаах суоппар “Тойота Премио” массыынатын аһардыбакка суол саахала таҕыста.
Саахал түмүгэр суһал көмө сулууспата 50 саастаах суоппары балыыһаҕа киллэрдэ. Балыыһаҕа эмсэҕэлээччи мэйиитин доргуппута уонна сис тоноҕос уҥуоҕа тостубута быһаарылынна. Бу тахсыбыт саахал чахчытынан бэрэбиэркэ ыытыллар диэн Саха сиринээҕи Госавтоинспекция пресс-сулууспата иһитиннэрэр.