Дьокуускайга суол саахалыгар 3 киһи, ол иһигэр 2 сааһын ситэ илик оҕо эчэйбит

Бэс ыйын 24 күнүгэр Дьокуускай куоракка 9 суол быһылаана тахсыбыта бэлиэтэннэ, онно үс киһи, ол иһигэр икки сааһын ситэ илик оҕо эчэйбит.

Госавтоинспекция пресс-сулууспата иһитиннэрэринэн, бэс ыйын 24 күнүгэр түүн 4 чаас саҕана Хатыҥ-Үрэх шоссе 60-с №-дээх дьиэтин аттыгар «Toyota Prius» массыына 23 саастаах суоппара массыынатын салайар кыаҕын сүтэрэн, уулусса уотун остуолбатыгар уонна чааһынай дьиэ олбуоругар кэтиллибит. Суоппар курунан бааммакка олорбут. Суол быһылаанын түмүгэр суоппар элбэх эчэйиини ылбыт. Ыытыллыбыт бэрэбиэркэ түмүгүнэн, суоппар арыгы испитэ быһаарыллыбыт.

Онтон ол күн киэһэ 18.00 чаас саҕана Курнатовскай уулусса 34/1 №-дээх дьиэтин аттыгар «Лада» массыына 33 саастаах суоппара 2 сааһын ситэ илик оҕону түҥнэри көппүт. Быһылаан тахсыбыт сиригэр кэлбит суһал көмө биригээдэтэ оҕолору балыыһаҕа киллэрбит, онно биирдэстэригэр стационарнай эмтэнии анаммыт. Суоппарга сыһыаннаан РФ Административнай быраабы кэһии туһунан Кодексатын 12.8 ыстатыйатын 1 чааһынан (итирик туруктаах массыынаны салайыы) административнай матырыйаал оҥоһуллубут. Бу чахчыларынан бэрэбиэркэлэр ыытыллаллар. Суукка иһигэр Госавтоинспекция үлэһиттэрэ 5 итирик суоппары туппуттар.