Дьокуускайга суол саахалыгар массыына умайда

Бээтинсэ күн сарсыарда Дьокуускайга суол саахалыгар биир массыына умайбыт. Суоппардартан биирдэстэрэ быраабын ылан баран биир эрэ күн буолбут, диэн ГАИ пресс-сулууспата иһитиннэрэр.

Барыллаан быһаарыынан, 33 саастаах «Toyota Wish» массыына суоппара Ойуунускай уулуссаттан эргийэригэр «Infiniti FX35» массыынаҕа суолу туораан биэрбэккэ, харсыспыт. Суол саахалын түмүгэр «Toyota Wish» массыына умайбыт. Быһылааҥҥа ким да эмсэҕэлээбэтэх.

«Докумуоннары бэрэбиэркэлиир кэмҥэ, «Toyota Wish» массыына суоппара суоппардыыр дастабырыанньатын биир күн анараа өттүгэр ылбыта билиннэ. Уруулу бастакытын олорбут суоппардарга, болҕомтолоох буоларга уонна суол быраабылаларын кытаанахтык тутуһарга сүбэлииллэр», — диэн ГАИ суруйар.