Дьокуускайга суоппар 14 саастаах кыыһы түҥнэри көттө

СӨ Борокуратууратын дааннайынан, ааспыт сууккаҕа Саха сиригэр 11 буруйу оҥоруу тахсыбыт.

Дьокуускайга ювелирнай мастарыскыайы халаан, кыһыл көмүс биһилэҕи уорбуттара билиннэ. Итиэннэ киин куоракка уонна Нерюнгрига эмиэ уоруу түбэлтэлэрэ бэлиэтэммиттэр.

Дьокуускай икки олохтооҕо түөкүттэргэ 670 тыһ.солк. албыннаппыт.

Дьокуускайга, Мэҥэ Хаҥаласка уонна Мииринэйгэ наркотигынан эргиммиттэр.

Суукка иһигэр итирик туруктаах аҕыс суоппары туттулар. Киһи өлүүлээх суол саахала буолбата.

Дьокуускайга Петровскай уонна Тургенев уулуссалар быһа охсуһууларыгар суоппар 14 саастаах кыыһы түҥнэри көттө. Кыыһы госпитализациялаатылар.