Дьокуускайга суукка иһигэр икки оҕону түҥнэри көппүттэр

Ааспыт сууккаҕа Дьокуускайга 18 суол быһылаана тахсыбыта бэлиэтэммит. Икки суол саахалыгар дьон эмсэҕэлээбит. Бу туһунан ГАИ пресс-сулууспата суруйар.

Ол курдук, күнүс 14.00 чаас саҕана Маҕанныыр тракт 2 км суолугар 2002 с.т. суоппар суолу туораан иһэр оҕону түҥнэри көппүт. Оҕо көҥүлэ суох сиринэн суолу туораан испитэ быһаарылынна.

Итини таһынан киин куоракка Михаил Николаев аатынан проспекка 40/5а  №-дээх дьиэ аттыгар киэһэ 17:29 чаас саҕана биллибэт суоппар сокуоннай сааһын ситэ оҕону түҥнэри көппүт. Суоппар суол саахала тахсыбыт сириттэн куоппута биллэр.

Суукка иһигэр 2 итирик туруктаах суоппар тутулунна. ГАИ үлэһиттэрэ суолга сэрэхтээх буоларга уонна суол быраабылатын тутуһаргытыгар ыҥыраллар.