Хаартыска: ЯСИА
СӨ бырабыыталыстыбатын бэрэссэдээтэлин солбуйааччы Ольга Балабкина өрөспүүбүлүкэ салалтатын аатыттан Суут бириистэптэрин федеральнай сулууспатын өрөспүүбүлүкэтээҕи управлениетын үлэһиттэрин Арассыыйаҕа суут бириистэптэрин института тэриллибитэ 160 сылынан эҕэрдэлээтэ уонна судаарыстыбаннай наҕараадалары туттарда. Бу туһунан www.sakha.gov.ru сайт иһитиннэрэр.
Ольга Балабкина бэлиэтээн эппитинэн, аныгы усулуобуйаҕа суут бириистэптэрин үлэтэ уустук уонна элбэх өрүттээх, сылтан сыл аайы судаарыстыбаҕа уонна кини гражданнарыгар суолтата улаатан иһэр.
«Эһиги үлэҕитинэн суут тэрилтэлэригэр куттал суох буолуутун уонна бэрээдэги хааччыйаҕыт, суут быһаарыыларын толортороҕут. 160 сыл устата Арассыыйатааҕы суут бириистэптэрин сулууспата бэйэтин үрдүк наадалааҕын дакаастаата. Сулууспа үлэһиттэринэн суут үлэтин бөҕөргөтүүгэ, гражданнар конституционнай бырааптарын уонна судаарыстыба интэриэстэрин көмүскээһиҥҥэ туһуламмыт сүҥкэн үлэ ыытылынна», – диэн Ольга Балабкина СӨ Ил Дарханын Айсен Николаев эҕэрдэтин ааҕан иһитиннэрдэ.
Саха сирин суут бириистэптэрэ ааспыт сылга 9,4 миллиард солкуобайы ирдээтилэр, буруйу оҥоруу содулугар эмсэҕэлээбиттэр туһаларыгар 100 мөлүйүөнтэн тахса солкуобайы туттулар. Суут дьыалатын көдьүүһүн үрдэтиигэ сулууспа үлэһиттэрин кылааттарын сыаналыыр уустук.
СӨ бырабыыталыстыбатын бэрэссэдээтэлин солбуйааччы судаарыстыбаннай наҕараадалары туттарда. Социальнай-экэнэмиичэскэй сайдыыга киллэрбит сүҥкэн кылаатын, таһаарыылаах уопсастыбаннай уонна үлэтин, ону тэҥэ көхтөөх сулууспатын иһин Лена Новгородова «Гражданскай килбиэн» ураты бэлиэнэн наҕараадаланна.
Үтүө суобастаах үлэтин, юстиция уорганнарын сайдыытыгар кылаатын иһин СӨ Ил Дарханын Махтал суруктара Бэйэ куттала суох буолуутун салаатын начаалынньыгар Алена Мухинаҕа, Нам улууһун отделениетын начаалынньыгар — улахан суут бириистэптэригэр Иннокентий Григорьевка туттарылыннылар. Саха сирин бырабыыталыстыбатын Махтал суруктара Суут бириистэптэрин федеральнай сулууспатын өрөспүүбүлүкэтээҕи управлениетын салайааччытын солбуйааччытыгар, Саха сирин сүрүн суут бириистэптэрин солбуйааччытыгар Кристина Крымчанскаяҕа, иитэр-үөрэтэр үлэни тэрийэр отделение старшай лейтенаныгар Наталья Лашкоҕа туттарылыннылар.
“ТехДни 3.0: вектор инноваций” үөрэтэр интенсив “Школа21” бырагыраамаҕа үөрэтии оскуолатыгар сэтинньи 13 күнүгэр ыытыллыаҕа. Онно…
Норуот сомоҕолоһуутун күнүн чэрчитинэн бүгүн Дьокуускайга “Эйэ туһугар норуоттар сомоҕолоһуулара” Ыччат пуорума саҕаланар, диэн Тас…
СӨ борокуратууратын сорудаҕынан, Уус-Алдан улууһун борокуратуурата элбэх оҕолоох ыаллар өйөбүл миэрэлэрин ылар бырааптара тутуһуллуутун бэрэбиэркэлээтэ.…
Собону бултааһын быраабылатын билэҕит дуо диэн ыйыттахха үгүс киһи: “Хайдах билиэхпит суоҕай!”, – диир соһуйбуттуу.…
Кыһыҥҥы ыйбытыгар үктэннибит. Былыр өбүгэлэрбит айылҕаҕа чугас буолан, күнү-дьылы кэтээн көрүүлэрэ күүстээҕэ, олоҕу кытары ситимнээҕэ.…
Горнай улууһа байыаннай дьайыы кыттыылаахтарын уонна кинилэр дьиэ кэргэттэрин өйөөһүҥҥэ өрөспүүбүлүкэ бастыҥ оройуоннарыттан биирдэстэрэ буолар.…