СИА хаартыската
Дьокуускайга «Куттала суох хаачыстыбалаах суоллар» национальнай бырайыагынан 78 светофор туруоруллуоҕа.
Суолу-ииһи өрөмүөннүүллэрин сэргэ, «Куттала суох хаачыстыбалаах суоллар» национальнай бырайыагынан светофордары саҥардар былааннаахтар диэн тырааныспар уонна суол хаһаайыстыбатын министиэристибэтэ Дьокуускай куорат дьаһалтатыгар сигэнэн иһитиннэрэр.
Ол иһигэр 30 айан суолугар көлөлөргө, итинтэн 28 — Можайскай уулуссатын саҥалыы уларытан оҥорууга Пилоттар уулуссаларыттан Строд уулуссатыгар диэри учаастакка, икки светофору Бестужев-Марлинскай уулуссатыгар хапытаалынай өрөмүөнүнэн Богдан Чижик уул. — Кальвицаҕа диэри учаастакка.
Маны таһынан, куоракка 34 светофор сатыы сылдьар дьоҥҥо — итинтэн 30 Можайскай уулуссатын саҥалыы уларытан оҥоруунан Пилоттар уулуссаларыттан Строд уулуссатыгар диэри учаастакка, икки светофору Бестужев-Марлинскай уулуссатыгар хапытаалынай өрөмүөнүнэн Богдан Чижик — Кальвица учаастагар, өссө икки светофору Рыдзинскай уулуссатыгар хапытаалынай өрөмүөнүнэн Жорницкайтан Халтурин уулуссатыгар диэри учаастакка туруораллар.
Маны сэргэ 14 светофор сатыы сылдьар дьон суолу туоруур бэлиэлэрэ баар сиригэр — икки светофор Богдан Чижик — Кальвица учаастагар, 12 — Севастопольскайтан Автострада Өктөөп 50 сыла учаастакка.
Аныгы светофордары туруоруу куоракка суолга куттал суох буолуутун хааччыйар соруктаах ыытыллар.
Бэлиэтээн эттэххэ, РФ Бэрэсидьиэнэ В.Путин көҕүлээбит «Куттала суох хаачыстыбалаах суоллар» национальнай бырайыагынан, өрөспүүбүлүкэ киин куоратыгар 2023 с. 30 км кэриҥэ суол өрөмүөннэммит уонна тутуллубут. Национальнай бырайыак олоххо киириэҕиттэн Дьокуускай сиригэр-уотугар биэс сыл иһигэр, 164 км кэриҥэ суол тупсарыллыбыт. 2024 сыд бүтүөр диэри киин куорат сиригэр-уотугар суол-иис 80% тупсарыллан нуормаҕа эппиэттиир туруктаныа.
Дьокуускай куорат дьаһалтатын пресс-сулууспата
Чугастааҕы сууккаҕа, ахсынньы 17-18 күннэригэр, өрөспүүбүлүкэ хоту өттүгэр кыралаан, сорох сиринэн хойуутук хаар түһэрэ күүтүллэр.…
Ахсынньы 15 күнүгэр, киэһэ алта чаас кэннэ, Дьокуускай куорат Л. Чайкина уулуссатыгар турар чааһынай гарааска…
СӨ Ил Дархана Айсен Николаев ахсынньы 15 күнүгэр «Өлүөнэтээҕи холбоһуктаах өрүс пароходствота» АУо 2025 сыллааҕы…
Бүгүн, ахсынньы 16 күнүгэр, киин куорат уокуруктарынан уонна сорох улуустарынан быстах кэмҥэ өрөмүөн үлэтинэн сибээстээн,…
Өрөспүүбүлүкэ борокуруора Сергей Дябкин СӨ Бэтэринээрийэ департаменын урукку салайааччытыгар тэриллибит холуобунай дьыаланан буруйдуур түмүгү бигэргэттэ.…
Ааспыт өрөбүл күннэргэ Дьокуускайга эчэйиитэ суох 15 суол быһылаана бэлиэтэннэ. Бу туһунан киин куорат ГАИ…