Хаартыска: ааптар түһэриилэрэ
Бүгүн, олунньу 21 күнүгэр, СӨ Национальнай бибилэтиэкэтигэр «СВОи родные: ОМОН.Бизон» диэн быыстапка арылынна.
Быыстапка байыаннай дьайыы кыттылаахтарыгар, «Бизон» диэн СӨ Росгвардиятын Управлениетын мобильнай этэрээтин дьоруойдарыгар анаммыт. Быыстапканы СӨ Култууратын уонна духуобунай сайдыытын министиэристибэтэ, Росгвардия управлениета уонна Национальнай бибилэтиэкэ кыттыһан тэрийдилэр.
Саха сирин ОМОН «Бизон» хамандыыра Святослав Татаринов санаатын үллэһиннэ:
— Аҕа дойдуну көмүскээччи сылынан Национальнай бибилэтиэкэҕэ байыаннай дьайыыга анаммыт быыстапка арылынна. Бу быыстапка хорсуннук байыаннай дьайыыга охтубут бойобуой доҕоторбут сырдык ааттарын кэриэстээн туран тэрилиннэ. Биһиги бэйэбит бэтэрээннэрбит, ону сэргэ Арассыыйа Дьоруойа Александр Колесов кэллэ. Түгэнинэн туһанан бибилэтиэкэ кэллэктиибигэр биһиэхэ муннук биэрэннэр, үүнэр көлүөнэни дойдуга бэриниилээх буолууга иитэргэ туһаайар быыстапкабытын тэрийбиттэригэр өйөбүл буолбуттарыгар махталбын тиэрдиэм этэ. Бу быыстапкаҕа биһиги үлэбит-хамнаспыт сырдатыллар уонна 2022 сылтан байыаннай дьайыы саҕаланыаҕыттан ВСУ-лартан ылыллыбыт таҥас-сап көрүүгэ турда. Ыам ыйыгар диэри быыстапкабыт туруоҕа, онон оскуола оҕолоро, устудьуоннар кэлэн көрүөхтэрин-истиэхтэрин сөп.
Ульяна Захарова хаартыскаҕа түһэриилэрэ.
Быйыл Абый улууһугар Киэҥ Күөлгэ уонна Сыаганнаахха 4G суотабай сибээс ыстаансыйатын тутары былаанныыллар. Бу туһунан…
Аҕа дойдуну көмүскээччи күнүн көрсө Дьааҥы улууһун Баатаҕай орто оскуолатыгар сэргэх тэрээһиннэр ыытыллаллар. Алын сүһүөх кылаастар…
2026 сыл бүтүүтүгэр Абыйга Н.Н.Ефимов аатынан гимназияҕа эбии тутууну үлэҕэ киллэрэри былаанныыллар. Бу туһунан СӨ…
Олунньу 21 күнүгэр Оҕо айымньытын дыбарыаһыгар "Айыы кыһата» национальнай гимназия киин куорат сахалыы тыллаах оскуолаларын…
Аҕа дойдуну көмүскээччи күнүнэн бу күннэргэ байыаннай дьайыыга сылдьар байыастарга анаан тирэх пууннарга бэлэхтэри ыыттылар.…
Аҕа дойдуну көмүскээччи күнүн чэрчитинэн Дьокуускай 13 №-дээх оскуолатыгар байыаннай дьайыыга кытта сылдьан сырдык тыынын…