Хаартыска: sakha.gov.ru
Турнир муус устар 12-13 күннэригэр «Сулус» кииҥҥэ буола турар. Күрэхтэһии Улуу Кыайыы 80 сылынан уонна Арассыыйаҕа Аҕа дойдуну көмүскээччи, Саха сиригэр Ийэ дойдуну көмүскээччи сылларын чэрчитинэн ыытыллар.
Тэрээһин үөрүүлээх аһыллыытыгар Бырабыыталыстыба бэрэссэдээтэлин солбуйааччы Сергей Местников кытынна. Кини бу күрэхтэһиигэ өрөспүүбүлүкэ бары муннуктарыттан 120 булчут кыттарын бэлиэтээтэ.
—«Сулус» стрелковай кииҥҥэ биһиги күрэхтэһиилэрбит ыытыллаллар. Бүгүн турнирбытыгар бултуулларын таптыыр дьон түмүстүлэр. Бу успуорт көрүҥэр интэриэс улааппытын көрдөрөр. Турнир чөл олоҕу эрэ көҕүлүүр буолбакка, кини дьиҥнээх эр санаалаах көлүөнэни иитэргэ туһуланар, — диэтэ Сергей Местников.
Бэлиэтээн эттэххэ, турнир бастакы түһүмэҕэ олунньу 22 күнүгэр буолбута. Түмүктүүр түһүмэх балаҕан ыйыгар былааннанар. Маны сэргэ, турнир Сэбиэскэй Сойуус Дьоруойа Федор Матвеевич Охлопков аатынан алтынньыга буолуохтаах улахан күрэхтэһиигэ сүүмэрдиир түһүмэх быһыытынан буолар.
Былырыын номох буолбут снайпер аатынан Арассыыйатааҕы ыраахтан ытыы күрэхтэһиитэ Дьокуускайга «Сулус» кииҥҥэ алтынньыга буолбута. Турнирга 140 киһи кыттыыны ылбыта.
Бүгүн, ахсынньы 13 күнэ, САССР норуодунай артыыһа, сахалартан бастакынан улуу сирдьит Ленин оруолун саха национальнай…
Маны туһанан Арассыыйаҕа түөкүттэр сиэри таһынан баран эрэллэр. Куйаар ситимэ киириэҕиттэн бэйэтэ да түргэтээбит, ааһа…
Саҥа сылы көрсө харыйаны туруоруу, дьиэни киэргэтии аҥаардас бырааһынньыкка эрэ бэлэмнэнии буолбатах. Фэн-шуй этэринэн, бу барыта…
Биир үтүө күн маҕаһыыҥҥа бэркэ билэр дьахтарбын көрсө түстүм. Билэр киһи сиэринэн, үөрэ-көтө дорооболоһоору гыммытым,…
Дойду бэйэтэ оҥорон таһаарар аһынан-үөлүнэн хааччынар буоллаҕына, бигэ туруктаах, сарсыҥҥыга эрэллээх, дьоно-сэргэтэ чэгиэн туруктаах буолар.…
Чэпчэтиилээх куортам бырагыраамата 2022 сыллаахха Илиҥҥи экэнэмиичэскэй пуорум үлэтин түмүгүнэн, бэрэсидьиэн Владимир Путин көҕүлээһининэн, олоххо…