Дьокуускайга сынньалаҥ пааркатын аттракционнара үлэлэрин саҕалаатылар

Бүгүҥҥүттэн, кулун тутар 24 күнүттэн, Дьокуускайдааҕы култуура уонна сынньалаҥ пааркатын аттракционнара үлэлэрин саҕалаатылар. Бу туһунан паарка телеграм-ханаалыгар суруйдулар.

Күнүс 11 чаастан киэһэ 18 чааска диэри «Пират», «Лошадка», «Цепочка», «Солнышко», «Юнга» уонна «Колокольчик» аттракционнар үлэлииллэр.

Муус устар 5 күнүгэр «Дьокуускай, сааһы көрүс!» бүтүн куораттааҕы бырааһынньык ыытыллыаҕа. Ыалдьыттары кэнсиэр, оонньуулар, күрэхтэһиилэр күүтэллэр.