Дьокуускайга төлөпүөнү аһаҕастык уорбут киһини туттулар

Ис дьыала министиэристибэтин Дьокуускайдааҕы 1 №-дээх полиция отделын дьуһуурунай чааһыгар олохтоох киһи төлөпүөнүн уорбуттарын туһунан сайабылыанньа киллэрбит.

Холуобунай ирдэбил үлэһиттэрэ суһаллык көрдөөһүннэрин түмүгэр буруйдаах киһини быһааран туппуттар. Уорбаланааччы 33 саастаах Аллайыаха улууһуттан төрүттээх киһи эбит. Бу туһунан ИДьМ пресс-сулууспата иһитиннэрэр.

Эр киһи дьахтар дьиэтигэр кэлэн, сымыйа сылтаҕынан аанын астарбыт.  Хоско олорон, уорбаланааччы суотабай төлөпүөнү сытарын көрбүт уонна уорбут. Эр киһи дьиэлээх дьахтары муостаҕа охторон түһэрбит уонна төлөпүөнү ылаат, дьиэттэн куотан тахсыбыт.

Бу быһылаанынан РФ Холуобунай кодексатын «Уоруу» 161 ыстатыйатын 2-с чааһынан холуобунай дьыала тэрилиннэ, бу ыстатыйанан уоруйах 7 сылга диэри болдьоххо көҥүлэ быһыллыан сөп.