Дьокуускайга терроризмы күөртүүр миграны сууттаатылар

Дьокуускайга терроризмы күөртүүр миграны сууттаатылар. 

Саха сиринээҕи куттал суох буолууга федеральнай сулууспатын  пресс-сулууспата иһитиннэрбитинэн, Саха сиригэр олорор Киин Азия олохтооҕо биир дойдулааҕын дьайыытынан ислам идеологиятын өрө тутан, Дьокуускайга олорон мессенджер нөҥүө Арассыыйаҕа бобуулаах «Катиба Таухид валь-Джихад» диэн терроризмынан дьарыктанар түмсүү эмиссардарын кытта кэпсэппит.

Эрэллээҕин биллэрэн Сирия боевиктарыгар харчы ыыппыт. Бу киһини туппуттар. Хомуллубут дакаастабылларга олоҕуран буруйдааҕа, терроризмы күөртээһиҥҥэ сыһыаннааҕа биллибит. Арассыыйа Федерациятын холуобунай кодексатын 205 ыст.1.1 ч. холуобунай дьыала тэриллэн, суут уурааҕынан тоҕус сылга кытаанах эрэсиимнээх хаайыы болдьоҕор ууруллубут.