Виктория Сергеева хаартыската, СИА.
Кулун тутар 26 күнүгэр Дьокуускайга «Кыайыы 50 сыла» успуорт дыбарыаһыгар сыллата ыытыллар The North Battle диэн брейкиҥҥэ бастыыр иһин күрэхтэһии уонна өрөспүүбүлүкэ чөмпүйэнээтэ буолаары турар. Тэрээһини Үҥкүү успуордун сойууһа, СӨ Успуорка министиэристибэтэ уонна СӨ Физическэй култуураҕа уонна успуорка управлениета өйүүр.
Өрөспүүбүлүкэҕэ брейк хамсааһыны төрүттээччилэртэн биирдэстэрэ Иван Степанов: «The North Battle күрэхтэһии судьуйалара, диджейдэрэ, «эмсилэрэ» идэтийбит дьон буолар, онон хип-хоп туох баар үтүө үгэстэрин тутуһарга, атмосфератын тиэрдэргэ бэлэммит», — диир.
Турниры Архангельскайтан Барс Бармин, Дьокуускайтан Иван Форвин уонна Вертак судьуйалыахтара. Санкт-Петербуртан Легионер уонна Дьокуускайтан Луни диджейдиэхтэрэ. Оттон ыытааччынан Джаззи ЧП буолуоҕа.
Күрэхтэһээччилэри сааһынан арааран дьүүллүөхтэрэ. Ол курдук 7, 19 саастарыттан уонна онтон үөһээ, итиэннэ тус уонна хамаанданан киирсиилэр буолуохтара.
Күрэхтэһии тэрийээччилэрэ өрөспүүбүлүкэ Үҥкүү успуордун сойууһугар, чуолаан салайааччытыгар Людмила Николаеваҕа махтаналлар. 2022 сыл ахсынньытыттан брейкинг Үҥкүү успуордун сойууһугар киирбитэ. Биһиги өрөспүүбүлүкэбит спортсменнара дойду хамаандатыгар киирэр кыахтаахтар диэн тэрийээччилэр бэлиэтииллэр.
Бүгүҥҥүттэн Дьокуускай куоракка Саха Өрөспүүбүлүкэтин муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ саҕаланна. Сийиэс икки…
РФ билимин, үрдүк үөрэҕин министиэристибэтэ 2026-2027 үөрэх дьылыгар министиэристибэ иһинэн үлэлиир үрдүк үөрэх кыһаларыгар тутарсарга,…
Федеральнай ханаал бырагырааматыгар Саха сиригэр олорор дьахтар төрүүр дьиэҕэ оҕотун уорбуттарын туһунан кэпсээтэ. Бу түмүгүнэн…
- «Улуу Кыайыы айымньылара » рубрикаҕа сэрии дьон дьылҕатынан оонньуурун туһунан Прокопий Чуукаар «Дьол хараҕын…
Арассыыйа бэрэсидьиэнэ Владимир Путин «Сахатранснефтегаз» национальнай ньиэп уонна гаас хампаанньатыгар тус махталын биллэрдэ. Туһааннаах дьаһал…
Саха Өрөспүүбүлүкэтин култууратын уонна духуобунай сайдыыга министиэристибэтэ уонна Хомус Аан дойдутааҕы түмэлэ тэрийиилэринэн, 2025 с.…