Сергей Афанасьевич Зверев-Кыыл Уолун сүдү талааныгар сүгүрүйэн, 125 үбүлүөйдээх сылын көрсө «ТОҔУС ОҺУОРДААХ ТҮҺҮЛГЭ» диэн өрөспүүбүлүкэтээҕи норуот уус-уран айымньытын күрэһэ Дьокуускай куоракка муус устар 9-10 күннэригэр ыытыллар.
Сунтаар улууһугар 2018 сылтан муус устар 9 күнүгэр улуу ырыаһыт, оһуохайдьыт, үҥкүүһүт Сергей Зверев-Кыыл Уолун күнэ бэлиэтэнэр. Бу кини төрөөбүт бэлиэ күнэ буолбатах, аар тайҕа ырыаһыта бастакы улахан хайҕалын – САССР Үрдүкү Сэбиэтин Бочуотунай грамотатын ылбыт күнэ. Бу күн Сунтаарга хаһыс да төгүлүн “Тоҕус оһуордаах түһүлгэ” диэн норуот айымньытын 9 көрүҥэр күрэс ыытыллар буолбута. Кыыл Уола 9 көрүҥҥэ дэгиттэр дьоҕурдаах киһи этэ. Онтон бу сырыыга улуу киһи үбүлүөйүн көрсө, өрөспүүбүлүкэ килбэйэр киинигэр, долгуйар Дьокуускай куоракка ыытыллар буолла.
Күрэс үөрүүлээх арыллыыта П.А.Ойуунускай аатынан Саха академическай тыйаатырыгар муус устар 4 күнүгэр сарсыарда 10 чаастан буолуоҕа. Маны тэҥэ, тэрээһиннэр “Арчы дьиэтэ” духуобунай култуура киинигэр, А.Е.Кулаковскай-Өксөкүлээх Өлөксөй аатынан норуоттар доҕордоһууларын дьиэтигэр ыытыллыахтара.
Фольклор күрэһэр икки бөлөҕүнэн кытталлар: 1 бөлөх — 17-гэр диэри саастаах оҕолор; 2 бөлөх — 18-тан үөһэ саастаах улахан дьон.
Күрэс 9 көрүҥүнэн ыытыллар:
“Тойон ымыйа тула мустан” тойук күрэһэ;
“Оллоонноон олорон олоҥхолуох” олоҥхо күрэһэ;
“Оһуокай – саха алгыстаах үҥкүүтэ” оһуокай күрэһэ;
“Саха ыллыыр ырыата” норуот ырыатын күрэһэ;
“Тыл сүмэтэ” үгэ, чабырҕах, уус-уран ааҕыы күрэһэ;
“Төрүт дорҕоон” саха музыкальнай үнүстүрүмүөннэригэр оонньооһун күрэһэ;
“Саха үҥкүүтүн сарсыҥҥыта” бөлөҕүнэн төрүт үҥкүү күрэһэ;
“Дьөһөгөй оҕотун маанылаах симэҕэ” ат симэҕин оҥорооччулар көрүү-күрэстэрэ;
“Дэгиттэр быһах” саха быһаҕын көрүү-күрэс.
Кыттааччы кэлэр-барар, аһыыр, хонор ороскуотун бэйэтэ уйунар. Сайаапканы муус устар 1 күнүгэр диэри туталлар. Кыттааччы пааспарын, ИНН, СНИЛС куопуйаларын күрэс буолар күннэригэр илдьэ сылдьара ирдэнэр. Бары көрүҥҥэ сахалыы таҥас булгуччулаах.
КЫЛААН КЫАЙЫЫЛААХТАРГА:
— улахан дьоҥҥо — 300 000 (үс сүүс тыһыынча) солкуобай;
— оҕолорго – 100 000 (сүүс тыһыынча) солкуобай;
• оһуокай Дархан этээччитигэр – 100 000 (сүүс тыһыынча) солкуобай;
• хас биирдии көрүҥҥэ I, II, III үрдэллэр, анал ааттар олохтонуохтара;
• хас биирдии кыттааччыга туоһу суруктар туттарыллыахтара.
Сайаапкалары электроннай аадырыска: suncul1980@mail.ru ыытыаххытын сөп. Билсэр нүөмэргит: 89141153503.
Федор Кузьмич Попов 1921 сыл ахсынньы 8 күнүгэр Мэҥэ Хаҥалас улууһугар Иккис Баатара нэһилиэгэр Поповтар…
Дойду бэрэсидьиэнэ Владимир Путин Кыайыы параадын кэмигэр Арассыыйа аан дойду сэриитин таһаарбат туһугар үлэни ыытарын,…
Кыайыы диэн тыл сүрэҕи өрүкүппүт, эрэли үөскэппит, үтүөнү түстээбит бэлиэ тыл. Улуу Кыайыы күнүн көрсө…
Ыам ыйын 7 күнүгэр Саха Өрөспүүбүлүкэтин Үүнэр көлүөнэ тыйаатырыгар Арассыыйаҕа Дьиэ кэргэн, Саха Өрөспүүбүлүкэтигэр Оҕо…
Быйылгы дьыл ыам ыйын 8 күнүгэр Саха сиригэр бүттүүн спортивнай хамсааһыны саҕалаабыт, спорт үгүс көрүҥнэрин…
Улуу Кыайыы күнүгэр Саха сирин бырабыыталыстыбатын бэрэссэдээтэлэ Кирилл Бычков Аҕа дойду Улуу сэриитин бэтэрээннэригэр Алексей…