Дьокуускайга тохсунньу 1 күнүттэн оптуобус билиэтин сыаната үрдээтэ

Дьокуускайга тохсунньу 1 күнүттэн оптуобус билиэтин сыаната үрдээтэ

Ааптар:
02.01.2023, 09:26
Бөлөххө киир:

Бэҕэһээҥҥиттэн, тохсунньу 1 күнүттэн, Дьокуускайга уопсастыбаннай тырааныспар билиэтэ 33 солкуобайтан 40 солкуобайга диэри үрдээтэ.

Санатар буоллахха, «СоюзАвто» тэрилтэ оптуобус бырайыаһын 45 солкуобайга диэри үрдэтэр туһунан этиини киллэрбитэ. Онуоха куорат мээрэ  Евгений Григорьев 45 солкуобайы улахан үрдээһин диэн ылымматаҕа. Бу көҕүлээһин уопсастыбаннай тырааныспар систиэмэтин сайыннарар сыаллаах ыытыллар.

Баан каартатынан төлүүр буоллахха, билиэт сыаната 36 солкуобай буолар. Бырайыас билиэтинэн (туспа каарта)  сыана эмиэ араастаһар. Холобур, 40 сырыыга (60 күҥҥэ) 950 солкуобайы., 60 сырыыга (60 күҥҥэ) 1300 солкуобайы, 60 сырыыга (30 күҥҥэ) 1200 солкуобайы төлөнүллэр.  Оттон  NFC виртуальнай каартанан, QR-кодунан уонна «Спутник» каартанан төлөһөр буоллахха, билиэт сыаната уруккунан хаалар, 30 солк. төлөнүллэр.

Куорат таһынааҕы  маршруттар сыаналара 65 солкуобайтан 78 солкуобайга диэри үрдээтэ. Бу — уу харчынан төлүүр буоллахха. Оттон баан каартатынан, NFC виртуальнай каартанан, QR-кодунан уонна «Спутник»  каартанан төлөһөр буоллахха, 68 солкуобайы төлөнүллэр.

Элбэх оҕолоохторго тарыып оннунан хаалла.

Хаартыска — СИА

Лента
Салгыы
29 января
  • -45°C
  • Ощущается: -45°Влажность: 64% Скорость ветра: 0 м/с

Сообщить об опечатке

Текст, который будет отправлен нашим редакторам: