Дьокуускайга тохсунньу 24-25 күннэригэр 1-8 кылаас оҕолоро тэйиччиттэн үөрэххэ көһүөхтэрэ

Дьокуускай куорат дьаһалтатын үөрэҕин управлениета Саха сиринээҕи гидрометсулууспата томороон тымныылар түһэллэрин туһунан сэрэтиитинэн, тохсунньу 24-25 күннэригэр 1-8-с кылаас оҕолоругар оскуолаҕа үөрэҕи тохтотор туһунан биллэрэр.

Синоптиктар бу икки күн улахан тымныы түһэрин сабаҕалыыллар. Ол иһин 1-8 кылаас үөрэнээччилэригэр тэйиччиттэн үөрэх технологиятын туһанан үөрэтэр туһунан Дьокуускай куораттааҕы үөрэх управлениета иһитиннэрдэ. Онтон 9-11 кылаас үөрэнээччилэригэр үөрэх ханнык ньыманан барарын халлаан туругун сарсыардааҥҥы дааннайыгар олоҕуран биллэриэхтэрэ.

«Маннык улахан тымныы күннэргэ оҕолор доруобуйаларын уонна олохторун харыстыыр сыалтан оскуолаҕа ыытары-ыыппаты төрөппүт бэйэтэ быһаарар бырааптаах», – диэн Дьокуускай куорат үөрэҕин управлениетыгар быһаардылар.