Дьокуускайга ”TO:KU FEST” анимация бэстибээлэ саҕаланна

Алтынньы 16-18 күннэригэр Дьокуускайга саха анимациятын “TO:KU FEST” (“Тооку Фест”) үһүс бэстибээлэ ыытылла турар. Бастакы бэстибээлгэ 20-чэ киһи кыттыбыт буоллаҕына, быйыл – Саха сирин ыраах оройуоннарыттан 100-тэн тахса ааптар.

“Саха” НКИК генеральнай дириэктэрэ Олег Марков сыл ахсын анимациянан даьрыктаныан баҕалаах оҕо элбээн иһэрин бэлиэтээтэ, диэн Sakha.gov.ru суруйар.

“Бүгүн флагман бырайыактарбытыттан биирдэстэрин — “Тооку Фест” бэстибээл саҕаланна. Үс сыл устата киэҥ хабааннанна, бэл, өрөспүүбүлүкэ ыраах оройуоннарыттан кытталар. Маннык тэрээһиннэр уонна “Тооку” телеканаал көмөтүнэн оҕо анимацията өссө көхтөөх буолуоҕа. Саха киинэтин кэнниттэн саха анимациятын буума кэлиэ”, — диэтэ кини.

Алтынньы 16 күнүттэн 17 күнүгэр диэри “Мультипарк” анимация өрөспүүбүлүкэтээҕи түһүмэҕин очнай түһүмэҕэ буолар. Алтынньы 17 күнүгэр “Союзмультфильм” уонна “Воронеж” анимационнай студия бэрэстэбиитэллэрэ кыттыылаах кыттыылаах бэстибээл салҕаныаҕа. Саҥа бырайыактары көрдөрүөхтэрэ, анимация инники кэскилин анаарыахтара, эдэр исписэлиистэргэ уонна үөрэнээччилэргэ маастар-кылаастар тэриллиэхтэрэ. Ону тэҥэ “Мультипарк” куонкуруһун финала уонна “Тооку” оҕо телеканаалын кыайыылаахтарын наҕараадалааһын буолуоҕа. Алтынньы 18 күнүгэр “Дохсун” успуорт уораҕайыгар кэнсиэр, интерактив уонна маастар-кылаастар күүтэллэр.

Анимация сайдыыта Саха сирин креативнай экэниэмикэтин бөҕөргөтүү сорҕотунан буолар. Ил Дархан Ыйааҕар олоҕуран, 2030 сылга креативнай индустриянан дьарыктанааччы ахсаана 70 тыһ. киһиэхэ тиийиэҕэ уонна сайдыытынан Арассыыйаҕа инники күөҥҥэ тахсыаҕа.