Дьокуускайга тоҥ балыгы кыһарга күрэхтэһии буолуоҕа

Дьокуускайга ахсынньы 3 күнүгэр «Тоҥ балык-2023» диэн өрөспүүбүлүкэтээҕи аһаҕас куонкурус буолаары турар. «Кыһын Саха сириттэн саҕаланар» бэстибээл чэрчитинэн ыытыллыаҕа.

Куонкуруска 16 хамаанда кыттыаҕа. Хамаандаҕа дьахтар уонна эр киһи баар буолуохтаах: эр киһи балыгы кыһар, оттон дьахтар иһиккэ өрөһөлүү ууран иһиэхтээх.

Баҕалаахтар ахсынньы 1 күнүгэр диэри сайаапкалаһыаххытын сөп. Билсэр аадырыскыт: Дьокуускай куорат, Ленин проспегын 15, 104-см кабинет, төлөпүөннэрэ: 40-80-53, +7 924 860-98-43, электроннай почта: cultura521@mail.ru.