Хаартыска: ЯСИА
Бүгүн, сэтинньи 4 күнүгэр, Дьокуускайга «Арассыыйа – мин устуоруйам» историческай паарка аттыгар байыаннай дьайыы зонатыттан былдьаммыт трофейнай байыаннай тиэхиньикэ уонна Арассыыйа Т-72 тааҥкатын быыстапкатын аһыллыытыгар аналлаах миитин буолан ааста.
Тэрээһин III Өрөспүүбүлүкэтээҕи Фашизмы утары пуорум чэрчитинэн тэрилиннэ. Куруук үлэлиир экспозиция аһыллыытыгар Саха сириттэн төрүттээх Арассыыйа Дьоруойдара Александр Колесов, Филипп Евсеев, Николай Евдокимов, Родимир Максимов, Илин байыаннай уокурук хамаандалыыр састаабын бэрэстэбиитэллэрэ уонна бойобуой ситимнэһии линиятыттан III Өрөспүүбүлүкэтээҕи Фашизмы утары пуорумҥа кыттаары бэҕэһээ Дьокуускайга кэлбит Арассыыйа Сэбилэниилээх күүстэрин «Илин» бөлөҕүн 28 байыаһа, байыаннай дьайыы бэтэрээннэрэ, Саха сирин ыччат түмсүүлэрин бэрэстэбиитэллэрэ, ону тэҥэ өрөспүүбүлүкэ киин куоратын олохтоохторо уонна ыалдьыттара кыттыыны ыллылар.
СӨ бырабыыталыстыбатын бэрэссэдээтэлэ Кирилл Бычков бэлиэтээбитинэн, үгэс быһыытынан Норуот сомоҕолоһуутун күнүгэр өрөспүүбүлүкэҕэ Фашизмы утары пуорум үлэтин саҕалыыр.
«Биһиги Өрөспүүбүлүкэтээҕи Фашизмы утары пуоруму үһүс төгүлүн арыйабыт, бу номнуо үгэскэ, систиэмэҕэ кубулуйда. Бүгүн «Арассыыйа – мин устуоруйам» музейнай комплекс былаһааккатыгар биэс холобурдаах трофейнай тиэхиньикэ экспозициятын официальнайдык арыйабыт. Бу тиэхиньикэ сүрүннээн биһиги байыастарбытынан Соҕуруу-Донецкай хайысхаҕа былдьаммыта. Биһиги байыастарбыт хорсун быһыыларын уонна үрдүк таһымнаах бэлэмнэрин илэ-чахчы туоһулуур. Биһиги Арассыыйабыт тааҥката аатырбыт «АЛЁША» тааҥка хорсун быһыытын бэлиэтиир уонна армааданы утары турар. Дьоруойдарга үйэлээх албан аат! Арассыыйаҕа үйэлээх албан аат! Арассыыйа — норуота сомоҕо!» – диэн Кирилл Бычков эттэ.
Историческай паарка аттыгар олохтоохтор уонна киин куорат ыалдьыттара «Алеша» диэн суруктаах Арассыыйа Т-72 тааҥкатын уонна Украина Сэбилэниилээх күүстэрин 5 суулларыллыбыт бронемассыынатын: АХШ-ка оҥоһуллубут M113 бронетранспортеру уонна M2 «Брэдли» байыаннай массыынатын, Франция VAB бронетранспортерун, ону тэҥэ Финляндия уонна Украина оҥорон таһаарыытыгар байыаннай массыыналары көрүөхтэрин сөп. Сиһилии манна аах: https://www.sakha.gov.ru/news/14886
Өксөкүлээх Өлөксөй биир үйэ анараа өттүгэр өтө көрөн сурукка тиһэн кэбиспит айымньылара күн-дьыл аастаҕын ахсын…
Күннэтэ биһиги кэлэр кэскилбитин торумнуур, сайдыыны киллэрэр дьонунан билим үлэһиттэрэ буолаллар. Олунньу 8 күнэ –…
Бүгүн, олунньу 8 күнүгэр, өрөспүүбүлүкэ баһыйар үгүс өттүгэр кыралаан хаардыаҕа. Арҕаа, соҕуруу, Өлүөнэ аллараа тардыытынан,…
Баскыһыанньа – Күн салайар күнэ. Бүгүн күүһү-уоҕу сөргүтэргэ, дууһаны сылаанньытарга, үөрэргэ-көтөргө аналлаах. Ыарахан үлэттэн, түбүктэн…
Саха сиригэр 2026 сылга 106,79 км суол үлэҕэ киириэҕэ. Онтон 87,7 км – эрэгийиэннээҕи суоллар,…
Академик Л.К. Эрнст аатынан Сүөһү иитиитин федеральнай чинчийэр киинин – ВИЖ учуонайдара дойду быраактыкатыгар аан…