Хаартыска: ЯСИА
Бүгүн, сэтинньи 4 күнүгэр, Дьокуускайга «Арассыыйа – мин устуоруйам» историческай паарка аттыгар байыаннай дьайыы зонатыттан былдьаммыт трофейнай байыаннай тиэхиньикэ уонна Арассыыйа Т-72 тааҥкатын быыстапкатын аһыллыытыгар аналлаах миитин буолан ааста.
Тэрээһин III Өрөспүүбүлүкэтээҕи Фашизмы утары пуорум чэрчитинэн тэрилиннэ. Куруук үлэлиир экспозиция аһыллыытыгар Саха сириттэн төрүттээх Арассыыйа Дьоруойдара Александр Колесов, Филипп Евсеев, Николай Евдокимов, Родимир Максимов, Илин байыаннай уокурук хамаандалыыр састаабын бэрэстэбиитэллэрэ уонна бойобуой ситимнэһии линиятыттан III Өрөспүүбүлүкэтээҕи Фашизмы утары пуорумҥа кыттаары бэҕэһээ Дьокуускайга кэлбит Арассыыйа Сэбилэниилээх күүстэрин «Илин» бөлөҕүн 28 байыаһа, байыаннай дьайыы бэтэрээннэрэ, Саха сирин ыччат түмсүүлэрин бэрэстэбиитэллэрэ, ону тэҥэ өрөспүүбүлүкэ киин куоратын олохтоохторо уонна ыалдьыттара кыттыыны ыллылар.
СӨ бырабыыталыстыбатын бэрэссэдээтэлэ Кирилл Бычков бэлиэтээбитинэн, үгэс быһыытынан Норуот сомоҕолоһуутун күнүгэр өрөспүүбүлүкэҕэ Фашизмы утары пуорум үлэтин саҕалыыр.
«Биһиги Өрөспүүбүлүкэтээҕи Фашизмы утары пуоруму үһүс төгүлүн арыйабыт, бу номнуо үгэскэ, систиэмэҕэ кубулуйда. Бүгүн «Арассыыйа – мин устуоруйам» музейнай комплекс былаһааккатыгар биэс холобурдаах трофейнай тиэхиньикэ экспозициятын официальнайдык арыйабыт. Бу тиэхиньикэ сүрүннээн биһиги байыастарбытынан Соҕуруу-Донецкай хайысхаҕа былдьаммыта. Биһиги байыастарбыт хорсун быһыыларын уонна үрдүк таһымнаах бэлэмнэрин илэ-чахчы туоһулуур. Биһиги Арассыыйабыт тааҥката аатырбыт «АЛЁША» тааҥка хорсун быһыытын бэлиэтиир уонна армааданы утары турар. Дьоруойдарга үйэлээх албан аат! Арассыыйаҕа үйэлээх албан аат! Арассыыйа — норуота сомоҕо!» – диэн Кирилл Бычков эттэ.
Историческай паарка аттыгар олохтоохтор уонна киин куорат ыалдьыттара «Алеша» диэн суруктаах Арассыыйа Т-72 тааҥкатын уонна Украина Сэбилэниилээх күүстэрин 5 суулларыллыбыт бронемассыынатын: АХШ-ка оҥоһуллубут M113 бронетранспортеру уонна M2 «Брэдли» байыаннай массыынатын, Франция VAB бронетранспортерун, ону тэҥэ Финляндия уонна Украина оҥорон таһаарыытыгар байыаннай массыыналары көрүөхтэрин сөп. Сиһилии манна аах: https://www.sakha.gov.ru/news/14886
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…
Бүгүн, ахсынньы 19 күнүгэр, Татыйаас Филиппова «Дойду» диэн ааттаах фотопоэзиятын персональнай быыстапка, «Үргэл» арт-галереяҕа аһылынна.…
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…