Дьокуускайга тутуу бөҕүн-саҕын сокуоннайа суох учаастакка тохпуттар

Киин куорат килбэйэр киинигэр Окружной шоссе аттыгар сир учаастагар тутуу бөҕүн-саҕын сокуоннайа суох тохпуттар.

Хара санаалаахтар уопсайа икки тыһыынча квадратнай миэтэрэ кэриҥэ иэннээх сири киртиппиттэр. Ол туһунан Экология министиэристибэтигэр иһитиннэрдилэр.

Тулалыыр эйгэни, ол иһигэр ууну киртитии сир учаастагар Судаарыстыбаннай экологическай надзор Дьокуускайдааҕы кэмитиэтин исписэлиистэрэ таҕыстылар. Бэрэбиэркэ түмүгүнэн учаастак тухары дьиэни-уоту көтүрбүт тутуу тобохторун кэмэ-кээмэйэ суох ыспыттара быһаарылынна. Бөҕү-сыыһы муҥура суох сир учаастагар, аата-суола суох күөл кытыытыгар тохпуттар. Онуоха ааһа баран хара санаалаахтар, Экология министиэристибэтин чахчыларынан, сир учаастагын кэҥэтиигэ сөҕүмэр үлэни-хамнаһы ыыппыттар. Чинчийии матырыйаалларын сокуону кэһээччилэри быһаарыыга  быраабы араҥаччылыыр уорганнарга ыыттылар. Маны таһынан  биэдэмистибэ суруйарынан, аһаҕас кадастровай каартаҕа олоҕуран көрдөххө, сир учаастага муниципалитет бас билиитигэр баарын бэлиэтээтилэр.