Дьокуускайга түөрт массыынаны алдьаппыт киһи тутулунна

 Суукка иһигэр өрөспүүбүлүкэҕэ буруйу оҥоруу 7 түбэлтэтэ бэлиэтэннэ диэн СӨ Борокуратуурата иһитиннэрэр.

Бу быһылааннарынан бэрэбиэркэ ыытыллар уонна холуобунай дьыаланы силиэстийэлээһин өрөспүүбүлүкэ борокуратууратын хонтуруолугар тутуллар.

Уус Маайа бөһүөлэгэр 2004 с.т. эр киһи улахан эчэйиини ылла, буруйдааһыҥҥа уорбаланар киһи быһаарылынна.

Киин куоракка күүс өттүнэн өттөйөн суотабай төлөпүөнү былдьаатылар.

Дьокуускай, Мииринэй куораттарга уонна Чульман бөһүөлэгэр итирик туруктаах сылдьан тырааныспары ыыппыт дьон иккистээн тутулуннулар.

Бу күннэргэ Дьокуускай куорат Свердлов уулуссатыгар 4 массыынаны алдьаппыттарын туһунан сурах тарҕаммыта, ол чахчытынан 1999 с.т. эр киһи буруйдааҕа быһаарыллан, киниэхэ РФ Холуобунай кодексатын 167 ыст. 2 чааһынан холуобунай дьыала тэрилиннэ.

Дьокуускай куоракка Мархаҕа Интернациональнай уулуссаттан 1950 с.т. эр киһи балыыһаҕа киирдэ, кини дьиэ тута сылдьан үөһэттэн сууллубут.

Киһи өлүүлээх суол-тырааныспар быһылаана бэлиэтэммэтэ. Суукка иһигэр 19 итирик туруктаах сылдьан тырааныспары ыыппыт дьон тутулуннулар.