СИА хаартыската.
Саха сиринээҕи гидрометеокиин иһитиннэрбитинэн, Дьокуускай куоракка тохсунньу 23-30 күннэригэр томороон тымныылар туруохтара. Ол курдук, салгын температурата нуорматтан 7 кыраадыс намыһах буолуоҕа.
Сарсын, тохсунньу 24 күнүгэр, хотугулуу-илин, соҕуруу эргин хаардыыр, туманнаах буолар. Киин улуустарга, илин, хотугулуу-илин уонна Өлүөнэ алын тардыытыгар түүнүн 48-53 кыраадыс, арҕаа эргин 38-43 кыраадыс, күнүһүн 35-40 кыраадыс тымныйар. Халыма, соҕуруу эргин түүнүн 33-38, күнүһүн 30-35 кыраадыс тымныы буолуоҕа. Ол курдук, этиллибит сирдэргэ сылыйар. Арктика кытылынан түүнүн 35-40, күнүһүн 30-35 кыраадыс, оттон илин кытылынан түүнүн 30-35, күнүһүн 25-30 кыраадыс тымныы буолар.
Тохсунньу 25-26 күннэригэр Халыма улуустарыгар уонна арҕаа кыратык хаардыаҕа. Тохсунньу 26 күнүгэр Арктика кытылынан сөкүүндэҕэ 15-20 миэтэрэ түргэннээхтик тыалырыа. Киин улуустарга туманнаах, тымныы күннэр туруохтара. Түүнүн 43-48 кыраадыс тымныйар. Киин улуустарга, хотугулуу-арҕаа, хотугулуу-илин, соҕуруу эргин, соҕуруулуу-илин түүнүн 49-54 кыраадыс, күнүһүн 43-48 кыраадыс тымныйар. Арҕаа эргин түүнүн (хаардыыр буолан) уонна күнүһүн 36-41 кыраадыс, оттон Халыма эргин 29-34 кыраадыс тымныы буолара күүтүллэр.
Хаартыска — СИА.
Москваҕа буолар Улуу Кыайыы 80 сыллаах үбүлүөйдээх параадыгар саха уола кыттарын туһунан үтүө сураҕы бүгүн…
Бүгүн, ыам ыйын 9 күнүгэр, Дьокуускайга Кыайыы болуоссатыгар "Кыайыыны аҕалбыт буойуннар" монумеҥҥа сибэкки дьөрбөтүн ууруу…
Саха сиригэр ойуур баһаардарын умуруорууга 154 исписэлиис үлэлиир диэн суһал ыстаап иһитиннэрэр. Суукка иһигэр барыта…
Улуу Кыайыы үбүлүөйдээх 80 сылын көрсө Марха бөһүөлэгэр 101 саастаах Аҕа дойду Улуу сэриитин кыттыылааҕа…
Мэҥэ Хаҥалас улууһун Майа сэлиэнньэтигэр тутуллубут Култуура киинигэр мэлдьи олус элбэх көрөөччү мустар. Күн сардаҥата…
Ил Дархан Айсен Николаев Арассыыйа Дьоруойа, муора пехотатын десантнай-штурмалыыр подразделениетын хамандыыра, гвардия подполковнига Дмитрий Куценконы…