Хаартыска: социальнай ситимнэртэн
Дойду үрдүнэн, ону кытта кэнники сылларга Саха сиригэр оҕо аниматордарын, Тымныы оҕонньору уонна Хаарчаананы дьиэҕэ ыҥыран бырааһынньык тэрийэр үгэс киэҥник тарҕанар. Ону барытын социальнай ситимнэринэн ыһа-тоҕо өҥө оҥорор туһунан араас хабааннаах биллэриилэр чопчулууллар.
Ортотунан ыҥырыкка сылдьар артыыстар оҕолору эҕэрдэлээри бу өҥө иһин 1500 солкуобайтан 2000 солкуобайга диэри хамнастаныахтарын баҕараллар эбит. Саҥа дьыллааҕы аптаах-алыптаах кэми дьиэнэн кэрийэ сылдьан тэрийии 2025 сыл тохсунньу бастакы күнүгэр диэри ыытыллар. Дьокуускайга Тымныы оҕонньор уонна Хаарчаана ыҥырыкка төһө буоларый?
Кыбартыыраҕа эбэтэр кэтэх дьиэҕэ ыҥырар түгэҥҥэ ортотунан бириэмэтинэн 15-20 мүнүүтэ хааччахтанар. Уопуттаах артыыстар оҕолорго уонна улахан дьоҥҥо туһуламмыт чаҕылҕай бырагырааманы тэрийэргэ 2800 солк. көрдүүллэр. Бырагыраамаҕа оонньуулар, куонкурустар, бэлэх туттарыы уонна хаартыскаҕа түһүү тэрээһиннэрэ киирэллэр. Эбии төлөбүр иһин оҕолорго туһуламмыт анал бэлэҕи тутан кэлиэхтэрин сөп. Төлөбүр 30 %- нын эрдэ төлүүр буоллаха эрэ биирдэ дьиэҕэ тиийэллэр.
Маны таһынан соҕотох Тымныы оҕонньор өҥөтүн оҥорууга 3500 солк. көрдүүр. Оҕолорго бэрт интэриэһинэй оонньуулары тэрийиини мэктиэлиир. Артыыс суруйарынан, оонньууну ыытар, таабырыннары таайтарар, ырыа ыллатар, бэйэтэ ыллыыр. Ону кытта икки артыыс буолан кэлэр түгэннэригэр аптаах куоластаах Тымныы оҕонньор уонна кэрэ мөссүөннээх Хаарчаана 3800 солк. ылыахтарын баҕараллар. Артыыстар ыытар тэрээһиннэрин туһунан көрдөрөр төрөппүттэргэ ролик ыытар бэлэмнээхтэр. Бу сулууспаҕа 40-тан тахса саастаах эр дьон үлэлиир. Хаарчаана оруолун 16 саастаах кыргыттар толороллор. Саҥа дьыллааҕы түүнү киэһэ 21:00 чааска диэри тэрийэллэр.
Саамай сыаналаах Тымныы оҕонньор таба сыарҕалаах кэлэрин суруйар. Бырагыраамаҕа эҕэрдэ, бэлэх туттарыы, сыарҕаҕа айаннааһын, ырыа толоруу киирэр. Уратыта диэн бу артыыс тохсунньу 31 күнүн түүнүгэр кытта үлэлиир. Киин куоракка, Хатаска, Жатайга наадыйыы элбэх буолан чугастааҕы күннэр туолбуттар.
Хомойуох иһин, быйыл Чысхаан уонна Хаарчаана аниматордара суох. Бу көҥүл атыыга анал көстүүм суоҕунан быһаараллар.
Дьокуускай куорат дьаһалтатын планеркатыгар иһитиннэрбитинэн, олунньу 16 күнүнээҕи туругунан, ОРВИнан уонна гириибинэн сибээстээн Физико-тиэхиньиичэскэй лиссиэй…
Ааспыт сууккаҕа Саха сиригэр буруйу оҥоруу икки түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
Саха сиригэр араас эрэгийиэннэртэн, ону ааһан тас дойдулартан туристар бөлөҕүнэн, биирдиилээн кэлэ тураллар. Швейцарияттан кэлбит…
Бу нэдиэлэ Күрүлгэн бэлиэтиттэн Балыктар бэлиэтигэр көһөр. Ол аата харчыга сыһыаннаах боппуруостарга бастаан "саҥа сүүрээннэр",…
Бүгүн, олунньу 16 күнүгэр, өрөспүүбүлүкэ баһыйар үгүс өттүгэр кыралаан хаардыаҕа, киин, соҕуруу диэки хаар сөбүгэр…
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…