Дьокуускайга тымныы уунан маассабайдык куттуу аахсыйата ыытыллыаҕа

Дьокуускайга олунньу 22 күнүгэр «Быть здоровым — это модно!» диэн 14-с төгүлүн ыытыллар Норуоттар икки ардыларынааҕы спортивнай-патриотическай аахсыйа буолуоҕа. Бу туһунан УФКиМС пресс-сулууспата иһитиннэрэр.

Быйылгы тэрээһин Арассыыйаҕа Норуоттар сомоҕолоһууларын сылыгар уонна Саха сиригэр Култуура сылыгар ананар.

Бырагыраамаҕа тымныы уунан маассабайдык куттуу баар. Бу күн Арассыыйа 75 куоратын уонна 7 дойду олохтоохторо эмиэ уунан куттуохтара.

Аахсыйа олунньу 22 күнүгэр 12:30 чаастан Дьокуускайга 202-с түөлбэҕэ баар «Северное сияние» муус куоракка ыытыллыаҕа.

Регистрацияны уунан куттар дьон эрэ ааһаллар: https://www.bit-zdorovim.ru

18 саастарын туола илик оҕолор төрөппүттэрин сөбүлэҥнэрин ылаллара, оттон атын кыттааччылар страховкалаах буолаллара ирдэнэр.