Хаартыска: SakhaGov
Бүгүн, ыам ыйын 10 күнүгэр, Дьокуускай куоракка Аҕа дойду Улуу сэриитигэр Кыайыыга аналлаах түргэн саахымакка «Кыайыы Куубага» чөмпүйэнээтэ саҕаланна.
Саахымат-дуобат өрөспүүбүлүкэтээҕи киинигэр өрөспүүбүлүкэ 10 улууһуттан 67 кыттааччы кэллэ.
Чөмпүйэнээт кыттыылаахтарын СӨ Физическэй култуураҕа уонна маассабай успуорка управление салайааччыта Роман Оконешников:
«Биһиги өрөспүүбүлүкэбитигэр саахыматы сайыннарыы 1926 сылтан саҕаламмыта (төрүүттээчи Вонифатий Слепцов). Эһиил Саха сиригэр саахымат хамсааһынын үйэлээх устуоруйатын бэлиэтиэхпит. Өрөспүүбүлүкэ кэккэ уһулуччулаах саахыматчыттары иитэн таһаарда, билигин ФИДЕ 8 маастара баар. Саахымат «Азия оҕолоро» норуоттар икки ардыларынааҕы успуорт оонньуулара, «Спортивнай Саха сирэ» СӨ үөрэнээччилэрин спартакиадата курдук улахан тэрээһиннэр бырагыраамаларыгар киирэр. Кэнники үс сыл дьоһуннаах түгэнинэн успуорт бу көрүҥүн сайдыытын көҕүлүүр өрөспүүбүлүкэ Ил Дарханын кубога буолла», – диэтн Роман Оконешников эҕэрдэлээтэ.
Саахымат Федерациятын бэрэсидьиэнэ Владимир Егоров быйыл муус устарга буолбут Ил Дархан Куубагын тэрийээччилэгэ махталын биллэрдэ. Күрэхтэһиигэ Арассыыйа 14 эрэгийиэниттэн уонна Швецияттан 100-тэн тахса саахыматчыт кытынна.
«Бу тэрээһиҥҥэ бэлэмнэнии таһымын Арассыыйа биллэр саахыматчыттара, гроссмейстердара, Арассыыйа саахымакка Федерациятын салайааччыта уонна ыҥырыллыбыт бочуоттаах ыалдьыттар үрдүктүк сыаналаатылар. Бүгүн федеральнай хабааннаах күрэхтэһиини тэрийиигэ кылаатын киллэрбит хас биирдии кыттааччыга махталбын, билиниибин тириэрдэрбин наадалааҕынан ааҕабын», -– диэтэ В. Егоров.
Турнир икки түһүмэҕинэн ыытыллар. Бастакы түһүмэх 9 турга швейцарскай систиэмэнэн барар. Бастакы 16 миэстэни ылбыт кыттааччылар тута иккис түһүмэххэ ааһаллар. Саахыматчыттар иккис түһүмэххэ Олимпиада систиэмэтинэн (нокаут) оонньууллар.
Бүгүн, ахсынньы 21 күнүгэр, өрөспүүбүлүкэ баһыйар үгүс өттүгэр кыралаан хаардыаҕа. Халымаҕа, Аллайыахаҕа хаар сөбүгэр түһүөҕэ.…
Бүгүн Күн салайар күнэ — өрөбүл. Онон айар-тутар эрчим, үөрүү-көтүү уонна сырдык баһылыаҕа. Онуоха эбии,…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…