Дьокуускайга түүҥҥү барга буолбут охсуһуунан бэрэбиэркэ ыытыллар

Алтынньы 6 күнэ үүнэр түүнүгэр Дьокуускай куорат полициятын иккис нүөмэрдээх отделын дьуһуурунай чааһыгар Аммосов уулуссаҕа  баар түүҥҥү барга   иирсээн тахсыбытын туһунан иһитиннэрии киирбит.

Росгвардия үлэһиттэрэ охсуһуу кыттыылаахтарын, ол иһигэр   23 уонна 19 саастаах Сунтаар улууһуттан төрүттээх эдэр дьону туппуттар. Эдэр дьон  полиция отделыгар аҕалыллан, административнай эппиэтинэскэ тардылыннылар.

Охсуһууга эчэйиини ылан,  31 уонна  22 саастаах икки эр киһи мэдиссиинэ өҥөтүнэн туһаннылар.

Билигин полиция иирсээн туохтан тахсыбытын итиэннэ өссө кимнээх бу охсуһууга кыттыбыттарын быһаараллар.