Дьокуускайга Уһун үйэлэнии киинэ тэриллиэҕэ

Ил Дархан өрөспүүбүлүкэ ИДьМ бэтэрээннэрин сэбиэтин бэрэссэдээтэлин Василий Местников өрөспүүбүлүкэ киинигэр маннык Киини тэрийэргэ этиитин өйөөбүт. Бырабыыталыстыбаҕа киини Дьокуускайга аһыыны уонна бырайыагын болдьоҕун быһаарарга сорудахтанна.

Айсен Николаев аҕа көлүөнэ социальнай дьарыктаах буолуутун өйүүрү наадалааҕынан ааҕар. Маннык өйөбүлүнэн социальнай хантараак буолуон сөп. Ити эрээри, дохуоттара тиийинэн олорор кээмэйи арыычча аһарар биэнсийэлээхтэр соцхантараагынан туһанар кыахтара суох. Онон Айсен Николаев үлэ министиэристибэтигэр соцхантараакка олоҕуран судаарыстыба өйөбүлүн оҥорор туһунан балаһыанньаҕа уларытыыны киллэрэргэ соруйда.

Ону тэҥэ Ил Дархан Алдан бэтэрээннэрин сэбиэтин бэрэссэдээтэлин Галина Красноусова Тургеневскай каарта диэн ааттаах аҕам саастаахтарга бырайыагын өйөөтө. Бу каарта бэтэрээннэргэ эрэ ананыа. Федеральнай бырабыыталыстыбаҕа тустаах этиини киллэриэхтэрэ.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата.