Дьокуускайга ыам ыйын 7 күнүгэр, Кыайыы 80 сылын көрсө, Аҕа дойду Улуу сэриитин кыттыылааҕа, Берлиҥҥэ тиийбит Феодосий Донскойга анаммыт мурал үөрүүлээх аһыллыыта буолла.
Мурал Дьокуускай 1 №-дээх дьиэтин фасадыгар, 202 түөлбэҕэ, «Туймаада саллаата» мемориальнай комплекс аттыгар баар. Дьокуускай куорат баһылыга Евгений Григорьев Кыайыы күнүнэн мустубут дьону эҕэрдэлээтэ.
«Бу күннэргэ биһиги дьоруойдарбытын чиэстиибит уонна махталбытын тиэрдэбит. Сүгүрүйэбит, киэн туттабыт, махтанабыт!», – диэн эттэ киин куорат мээрэ. Бу туһунан куорат дьаһалтатын пресс-сулууспата суруйар.
Феодосий Семенович Донской — Сэбиэскэй учуонай, суруналыыс уонна судаарыстыбаннай диэйэтэл, экэнэмиичэскэй билим хандьыдаата, Хотугу пуорум академиятын чилиэнэ. Аҕа дойду Улуу сэриитин кыттыылааҕа. Рейхстаг эркинигэр Берлиҥҥэ «Мы были из Якутии…» диэн автограф суруйан хаалларбыта.
Кыһыл Аармыйа кэккэтигэр Феодосий Донской алта аҥаар сыл устата сулууспалаабыта. Сэрии кэмигэр «Боевой үтүөлэрин иһин» мэтээлинэн икки төгүлүн наҕараадаламмыта. Кэлин «Праганы босхолооһун иһин» уонна «Германияны Кыайыы иһин» мэтээллэринэн наҕараадаламмыта.
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…
Бүгүн, ахсынньы 19 күнүгэр, Татыйаас Филиппова «Дойду» диэн ааттаах фотопоэзиятын персональнай быыстапка, «Үргэл» арт-галереяҕа аһылынна.…
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…