Дьокуускайга Улуу Кыайыы 80 сылыгар автопробег буолан ааста

Ыам ыйын 7 күнүгэр Дьокуускайга Улуу Кыайыы 80 сылын көрсө бырааһынньыктааҕы автопробег буолан ааста.

Ааспыт үйэ 40-50-с сыллардааҕы сэдэх ретро-массыыналар куорат киин уулуссаларынан сүүрдүлэр. Холуонна Кыайыы пааркатыттан саҕаланан, Кыайыы болуоссатыгар түмүктэннэ. Бу туһунан уокурук дьаһалтатын пресс-сулууспата суруйар.

Автопробег кыттааччылара бу тэрээһин Аҕа дойду Улуу сэриитин дьоруойдарыгар өйдөбүнньүк уонна ытыктабыл бэлиэтинэн буоларын бэлиэтээтилэр. Тэрээһиҥҥэ история дьиҥнээх экспонаттарынан буолар үчүгэй туруктаах массыыналар хаһаайыттара кыттыыны ыллылар.