Дьокуускайга Улуу Кыайыы 80 сылынан автопробег буолан ааста

Аҕа дойду Улуу сэриитигэр Кыайыы 80 сылынан уонна Аҕа дойдуну көмүскээччи күнүнэн бүгүн, олунньу 21 күнүгэр, Дьокуускай уулуссаларынан массыынанан автопробег ыытылынна.

Арассыыйа уонна Саха сирэ, уопсастыбаннай тэрилтэлэр уонна Дьокуускай куорат тэрилтэлэрэ судаарыстыбаннай былаахтаах сэттэ массыынанан киин куорат уулуссаларынан айаннаатылар.

«Патриотическай аахсыйаны тэрийээччилэринэн куорат, уокурук дьаһалтатын ыччакка управлениета уонна байыаннай чаастар кыттыыны ыллылар. Автопробег кыттыылаахтара Комсомольскай болуоссаттан Кыайыы болуоссатыгар диэри айаннаатылар», — диэн аахсыйа көҕүлээччилэрэ бэлиэтээтилэр.

Тэрээһиҥҥэ гражданскай активистар, байыаннайдар, ыччат бэрэстэбиитэллэрэ уонна бэлитиичэскэй баартыйалар чилиэннэрэ кытыннылар.